നാലാമങ്കം ൯൩
ഭഗ- ഞാൻ ഇതിലധികം കലശൽ കൂട്ടുമെന്നാണു് വിചാരിച്ചിരുന്നതു്.
വിദു- ഒതുക്കാൻ ശക്തിയുണ്ടു്. ചാപല്യം കുറയും.
ഭഗ- കൗരവരാജാക്കന്മാരുടെ വിരുന്നുസല്ക്കാരം സ്വീകരിക്കാതെയാണു് ഞാൻ ഇങ്ങോട്ടു വന്നതു്. അത്ര രസമായിരിക്കില്ല. ഏതെങ്കിലും പത്ഥ്യത്തിന്നല്ല ഭാവിക്കുന്നതു്. ദുര്യോധനാദികളുടെ അന്ധാളിത്തം വളരെയുണ്ടു്. കണ്ടാലും കൊണ്ടാലും അറിയില്ല.
വിദു- വേണ്ട വഴി തോന്നില്ല. പറഞ്ഞു കൊടുത്താലും സാദ്ധ്യമില്ല.
ഭഗ- ഏവർക്കുമുണ്ടു മരണം പുനരായതൊന്നും
ഭാവിച്ചിടാതെ ചിലരുണ്ടു നടന്നിടുന്നു
ആവശ്യമുള്ളതറിയാതെ കളിച്ചുവെന്നാൽ
ചാവുന്ന നേരമറിയാം മറിമായമെല്ലാം. 30
വിദു- വിശ്വൈകവീരനെന്നു മനക്കുരുന്നിൽ വിശ്വാസമോടധികമായി ഞെളിഞ്ഞിരുന്നു വിശ്വംഭരാഭരമതിന്നു ഭരിച്ച ജന്മം വിശ്വാദിപോലെ കളയുന്നിതു കശ്മലന്മാർ 31
ഭഗ- ചതിച്ചു മറ്റുള്ളവരെക്കെടുപ്പാൻ കൊതിച്ചു കാലം കളയാതെകണ്ടു് അതിപ്രമോദത്തൊടു സാരമാം സൽ- ഗ്ഗതിക്കു നോക്കുന്നവനാണു വമ്പൻ 32 വിദു- ഇവിടുത്തെ കരുണയുള്ളവർക്കേ വേണ്ടതു പോലെ തോന്നുകയുള്ളു.
