൧൦൧ ഭഗവദ്ദൂതു്
കർണ്ണൻ- ഇടയ്ക്കു കണ്ടാലവിടുന്നു പത്ഥ്യം-
നടിയ്ക്ക കൊണ്ടിത്ര ഞെളിഞ്ഞതാണു്
കൊടുത്തു തൂശിക്കിടമെങ്കിലിപ്പോൾ
കടത്തിടും തൂമ്പയതാണു ജാതി 14
ദുര്യോ-ആട്ടെ, ഇന്നിവിടെ വരട്ടെ. ഒട്ടു പാകത്തിലാക്കാം.
ശകുനി- (ചിരിച്ചും കൊണ്ടു്) പരിഭ്രമിക്കരുതു്. കാര്യങ്ങൾക്കു കബളം വേണം-ഇന്നു വിശേഷമൊന്നും വേണ്ട. വന്നു്, അഭിപ്രായങ്ങളൊക്കെ പറയട്ടെ.
സാമർത്ഥ്യം സമരത്തിനില്ല പരമെ-
ന്നോർത്തിട്ടുപായത്തിലി-
സ്സാമത്തിന്നു പുറപ്പെടുന്നതിവരെ-
ന്നാണൊന്നു തോന്നുന്നതു്
സാമോദം ചിലതിസ്സദസ്സിലുരചെ-
യ്യട്ടേ മുറയ്ക്കോർക്കുകിൽ-
സ്സാമാന്യത്തിലൊരുത്തനിന്നു ചതികൊ-
ണ്ടെന്നെജ്ജയിച്ചീടുമോ? 15
ഇവരുടെ പകിട്ടൊന്നും ഇവിടെ പറ്റില്ല.
ദുര്യോ- ആട്ടെ, വന്നോട്ടെ. എന്നാൽ എല്ലാവരും ബഹുമാനിച്ചോളണമെന്നുണ്ടോ?
ശകു- ഏയ്, അതു വേണ്ട. അതൊക്കെ മുമ്പിൽ നിശ്ചയിച്ചു വെച്ചതു പോലെ.
കർണ്ണൻ- ഈ കൃഷ്ണൻ സിദ്ധാന്തമില്ലെന്നു നടിക്കും. പരമസിദ്ധാന്തി. പണ്ടേ തന്നെ പാണ്ഡവരുടെ പക്ഷക്കാരനാണു്.