ഈ താളിൽ തെറ്റുതിരുത്തൽ വായന ഉണ്ടായിട്ടില്ല
എന്റെ കുട
['എന്റെ അമ്മ' എന്ന സംസ്കൃതിയുടെ കർത്താവിനോട് ക്ഷമാപണം ]
<poem> ആരെന്റെ രോമമില്ലാത്ത മണ്ടമാന്തിപ്പൊളിക്കുവാൻ കരം നീട്ടുന്ന സൂര്യന്റെ സാഹസത്തെത്തടുപ്പവൻ?
എന്റെ കുട!
മാരികോരിച്ചൊരിഞ്ഞീടും നേരത്താഹ്ലാദപൂർവ്വകം ഭാര്യവീട്ടിലണഞ്ഞീടാ- നാമെന്നെശ്ശക്തനാക്കുവോൻ?
എന്റെ കുട!
നായ്ക്കൾ കണ്ടുകുറച്ചെന്നെ- ക്കടി കൂട്ടാനൊരുങ്ങവെ വടിയായ്ത്തീർന്നു. പെട്ടെന്നെൻ തടികാക്കും മിടുക്കനാർ?
എന്റെ കുട!
കടൽപ്പുറത്തു ഞാൻ ചെന്നു കാറ്റുകൊള്ളുന്ന വേളയിൽ എനിക്കിരിപ്പാൻ നൽകുന്നോ- രൌദാര്യത്തിൻ കുടുക്കയാർ?
എന്റെ കുട!
മന്ത്രിതൻ വരവും കാത്തു പ്ലാറ്റ്ഫോറത്തിൽ നില്ക്കവേ ഉറക്കു തൂക്കിച്ചായുന്നോ- രെന്നെത്താങ്ങീടൂമിഷ്ടനാർ?
എന്റെ കുട!
ഇനീഷ്യൽ തുന്നുവാനെന്റെ ഭൈമിക്കുള്ളൊരു പാടവം നാട്ടിൽപ്പരത്തിയെൻ കീർത്തി കൂട്ടാൻ നോക്കുന്ന ബന്ധുവാർ?
എന്റെ കുട!
സഞ്ജയന്റെ കവിതകൾ / 153