ഓണപ്പുടവ
പി.എസ്-(അമരത്ത്)
വീട്ടുകാരെ, കൂട്ടുകാരെ, നാട്ടുകാരെ നിങ്ങൾക്കെല്ലാം,
പുഷ്ടി ചേർന്നു, തുഷ്ടി നല്കുമൊരോണം നേരുന്നെൻ!
പല്ലവി: (‘പത്രിക’യാഫീസു മുഴുവൻ)
-ഓണം നേരുന്നേൻ
നിനവേറും വിദ്വാന്മാരേ, പുകളേറും മന്യന്മാരേ,
മനക്കാമ്പിലലിവൂറും നതാഗിമാരേ,
-നതാംഗിമാരേ
യുവജനങ്ങളേ സാക്ഷാൽ സ്വതന്ത്രചിന്തകൻമാരേ,
നവയുഗം പൊക്കിക്കാട്ടും ദീർഘകായരേ,
- ദീർഘകായരേ
കവിതയെച്ചളിക്കുണ്ടിലിറക്കീടും ‘ദേവു’കളേ,
വിവിധ വിപ്ളവങ്ങളിൽ പ്ളവംഗന്മാരേ,
-പ്ളവംഗന്മാരേ
രാവണനെ വെള്ള വീശാൻ, കക്കമാന്തിക്കൈ പൊള്ളിച്ച
രാവണായനോദ്യുക്തരേ, രാമദ്വേഷ്യരേ,
-രാമദ്വേഷ്യരേ
അഴുക്കുചാല്പ്പദ്ധതിയെ മുടക്കുവാൻ കച്ച കെട്ടി
വഴക്കിനു വട്ടം കൂട്ടും മാന്യപൗരരേ!
-മാന്യപൗരരേ
ഗവർമ്മേണ്ടുദ്യോഗസ്ഥരേ, ഷഡംഗമാം സലാംകാരേ,
ഗവർമ്മേണ്ടേ, ഗവർമ്മേണ്ടിൻ മീതെയുള്ളോരേ!
-മീതെയുള്ളോരേ
മാബലിത്തമ്പുരാൻ വാണ നാടു പോലെ നാടാക്കിയ
ബോബിലിപ്പൊൻ തമ്പുരാനേ, മന്ത്രിസത്തമ,
-മന്ത്രിസത്തമ
നിറമഹാകവികളെ, തനിമുക്കാല്ക്കവികളേ,
വെറുമരക്കവികളേ, ചില്വാനങ്ങളേ
-ചില്വാനങ്ങളേ
കമ്മീഷണർമാരേ നിത്യം ‘ചേറി’ങ്കൽത്താൻ വസിപ്പോരേ,
സമ്മാന്യമം ബോർഡുകാരേ, എമ്മെൽസിമാരേ
-എമ്മെൽസിമാരേ
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി നിർമ്മിച്ചതാണ്. ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Sobha എന്ന ഉപയോക്താവിനായിരിക്കും. | |||||
ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
(സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |