xviii
| ശ്രീരാമോദന്ത കാവ്യം, ഓല, സ്റ്റുട്ഗാർട് സ്റ്റേറ്റ് ലൈബ്രറി |
151 ശ്ലോകം |
| സഹദേവവാക്യം | പു. 209 |
| സന്താനഗോപാലം | പു. 7 |
| സീതാവൃത്താന്തം | പു. 6 |
| സ്തുതികൾ: സുര്യസ്തുതി, കൃഷ്ണസ്തുതി, ഗുരുനാഥസ്തുതി, രാമപാഹിമാ, |
പു. 10 |
| ഹോര വ്യാഖ്യാനം, ഓല (ശ്രീമതി ഹാരിസൺ 1834 ഫെബ്രുവരി 24-നു യൂറോപ്പിലേക്കു പോയി എന്ന് ഇതിൽ കാണുന്നു) |
പു. 118 |
Verapoly Dictionaries: വരാപ്പുഴ നിഘണ്ടുക്കൾ
| Malayalam - Portuguese Dictionary 3 volumes, | P.990 |
| Portuguese - Malayalam Dictionary, | P. 290 |
ട്യൂബിങ്ങനിൽകണ്ടെത്തിയ മലയാളം കൈയെഴുത്തുഗ്രന്ഥങ്ങളിൽ ഏറ്റവും
വിപുലമായതു തലശ്ശേരി രേഖകളാണ്- പന്ത്രണ്ടു വാല്യമായി 4448 പേജുള്ള രേഖാ
ശേഖരം. 1790–1800 ഘട്ടത്തിൽ ഉത്തര കേരളത്തിലെ രാജാക്കന്മാരും പ്രമാണിമാരും
സാധാരണക്കാരും ബ്രിട്ടീഷുകാരുമായി നടത്തിയ കത്തിടപാടുകൾ എന്ന നിലയിൽ
ഇവ ചരിത്ര പഠനത്തിനും ഭാഷാപഠനത്തിനും മികച്ച ഉപാദാനങ്ങളാണ്.
അക്കാലത്തെ കത്തിടപാടുകളുടെ രത്നച്ചുരുക്കം ബ്രിട്ടീഷുകാരുടെ റിപ്പോർട്ടുകളിൽ
നിന്നു വായിച്ചറിഞ്ഞു തൃപ്തിപ്പെടേണ്ടി വന്നിരുന്ന ഗവേഷകർക്ക് ഇപ്പോൾ
അക്ഷയഖനി തുറന്നു കിട്ടിയിരിക്കുന്നു. അവയിൽ നിന്നു വീരകേരളവർമ്മ
പഴശ്ശിരാജയുടെ 24 കത്തുകളടക്കം 255 കത്തുകൾ വേർതിരിച്ചെടുത്തു പഴശ്ശിരേ
ഖകൾ എന്ന പേരിൽ, ട്യൂബിങ്ങൻ ഗ്രന്ഥ പരമ്പരയുടെ രണ്ടാം വാല്യമായി,
പ്രസിദ്ധീകരിക്കുകയാണ്.
ഗുണ്ടർട്ടിന്റെ അക്കാദമിക് സ്വഭാവം
ദക്ഷിണ ജർമ്മനിയിലെ അതിപ്രശസ്തമായ മൗൾബ്രോൺ സ്കൂളിലും
ട്യൂബിങ്ങൻ സർവകലാശാലയിലും പഠിച്ചു ഡോക്ടർ ബിരുദം നേടി അധ്യാപകനായി
ഇന്ത്യയിലെത്തി ചരിത്രഗതിയിൽ മിഷണറിയായിത്തീർന്ന ഗുണ്ടർട്ട് ഒരിക്കലും
തന്റെ അക്കാദമിക് മാന്യതയ്ക്കു കളങ്കമുണ്ടാക്കിയിട്ടില്ല. മൗൾബ്രോണും
ട്യൂബിങ്ങനിലെ ട്യൂബിങ്ങൻ സ്‌റ്റിഫ്‌റ്റും പ്രോട്ടസ്റ്റന്റു വൈദികവിദ്യാർത്ഥികൾക്കു
താമസിച്ചു പഠിക്കാനുള്ള കേന്ദ്രങ്ങളായിരുന്നു. മാനവിക വിജ്ഞാനങ്ങളും
ശാസ്ത്രതത്ത്വങ്ങളും കലകളും പരിശീലിപ്പിക്കുന്നതിൽ ആ സ്ഥാപനങ്ങൾ
ശ്രദ്ധിച്ചിരുന്നതു കൊണ്ടാവാം ദക്ഷിണ ജർമ്മനിയിലെ ബൗദ്ധിക ജീവിതത്തിന്റെ
സിരാകേന്ദ്രങ്ങളായിട്ടാണ് അവ അനുസ്മരിക്കപ്പെടുക. ഡേവിഡ് സ്ട്രൗസും
ഫ്രീഡറിക് ഹേഗലും യൊഹാനസ് കെപ്ലറും ഹെർമൻ ഹെസ്സേയും താമസിച്ചു
പഠിച്ച സ്ഥാപനങ്ങൾ എന്ന നിലയിൽ ജർമ്മൻ ചരിത്രത്തിൽ ഇവ പ്രശസ്തി നേടി.
