ഈ താളിൽ തെറ്റുതിരുത്തൽ വായന നടന്നിരിക്കുന്നു

തലശ്ശേരി രേഖകൾ 327

നാല കൊല്ലത്തിന്റെ അധികം ആകയും ഇല്ല. ശെഷം വാഇപ്പ വാങ്ങുന്ന ഉറപ്പ്യയും
പലിശയുറപ്പ്യ വാങ്ങിയതിന മുതൽ ഒന്നാം കൊല്ലം കഴിഞ്ഞ സമയത്തിൽ എങ്കിലും
അതിന്റെ പിന്നെ എങ്കിലും നാല കൊല്ലത്തിൽ അകത്ത വീട്ടിക്കൊടുക്കെണ്ടതിന
ബഹുമാനപ്പെട്ടെ കുമ്പഞ്ഞിക്ക തെളിഞ്ഞപ്രകാരം ആകയും ചെയ്യും. ആയത കൊടു
ക്കാതെ ഇരിക്കും സമയത്തൊളം കൊല്ലംത്തൊറും പലിശ ഒപ്പിച്ച വണ്ണം വിടി കൊടു
ക്കയും ചെയ്യും. വടെക്കെ കജാനഇൽ പലിശക്ക ഉറപ്പ്യ കൊടുക്കുന്നവർക്ക ബൊധം
ഉടനെ ആകുവാനായി ഇതിന്റെ കൂട വീട്ടിക്കൊടുപ്പാൻ ആകയും ചെയ്യും. രാജശ്രീ
കമിശനർ സാഹെബ അവർകൾനിന്ന് വാങ്ങിയ രെശ്ശീതിഇന്റെ മറപടി ആഇട്ട
ബഹുമാനപ്പെട്ടെ ബംബാഇ സമസ്ഥാനത്തിങ്കലെ സടക്കിത്തെരി സാഹെബ അവർ
കൾ നിന്നും വാങ്ങുന്ന പ്രമാണത്തിന്റെ ആക്കൃത ആകുന്നത. ആളെ പെർക്ക എന്ന
പറെയുന്നവനെ ഇദിവസം മുതൽ ബഹുമാനപ്പെട്ടെ കുമ്പഞ്ഞിഇലെ കജാനഇൽ വെച്ചെ
ഉറപ്പ്യയും പലിശ കൊല്ലത്തിൽ നൂറ്റിന പന്ത്രണ്ട പ്രകാരത്തൊട കൂട വികൊല്ലൊ ഒന്നൊ
രണ്ടൊ കഴിയുമ്പൊൾ എങ്കിലും നാല കൊല്ലത്തിന്റെ അകത്ത ബഹുമാനപ്പെട്ടെ
കുമ്പഞ്ഞിക്ക ബൊധിക്കുംബൊൾ എങ്കിലും ബംബാഇമെൽ സംസ്ഥാനത്തിൽ മുതൽ
വെച്ചവർക്ക എങ്കിലും അവന്റെ അനന്തിരവൻ ന്മാർക്ക എങ്കിലും വിടി കൊടുക്കയും
ചെയ്യും എന്ന ബഹുമാനപ്പെട്ടെ കുമ്പഞ്ഞിയുമാ ഇട്ട ബഹുമാനപ്പെട്ടെ ബംബായി
സംസ്ഥാനത്തിലെ ഗവർണ്ണർ സാഹെബ അവർകൾ ഇപ്രമാണത്താൽ ഒത്തിരിക്കയും
ചെയ്തു. എന്നാൽ കൊല്ലം 973 മത മകരമാസം 11 നു ഇങ്കിരിയസ്സ കൊല്ലം 1798 മത
ജനുവരിമാസം 21 നു എഴുതിയ പരസ്സ്യക്കത്ത.

761 H

919 മത മഹാരാജശ്രീ വടെക്കെ അധികാരി പീലിസ്സായ്പു അവർകളെ സന്നിധാന
ത്തിങ്കലെക്ക ബൊധിപ്പിപ്പാൻ ചൊഉവക്കാരെൻ ബപ്പനും ദെവർസ്സുപണ്ടാരിയും
ചൊഉവക്കാരെൻ മൂസ്സയും ബാണിയമ്പലത്ത കൊയാമ്മുവും കൂടി എഴുതിയ അരജി.
970 തിടങ്ങി 972 ആമതിലൊളവും കൊണ്ടതും വിറ്റതും മൊളകിന്റെ വെലപ്രകാരം
എഴുതിക്കൊടുത്തയച്ച കത്ത സാഹെബ കല്പിച്ചി അവസ്ഥ അറികയും ചെയ്യു. 955
മാണ്ട തലച്ചെരി ഇന്ന നഭാവ ആയിട്ട പട ആകകൊണ്ട അതിയാഇട്ട 65 മതിലൊളം
രാജ്യത്ത എറ കലസൽ ആകകൊണ്ട ഒരു കച്ചൊടത്തിന് സങ്ങതി വന്നിട്ടില്ലാ. 66 മാണ്ട
കുമ്പഞ്ഞിഇൽ 135 ഉറപ്പ്യ വെലഇൽ കച്ചൊടം ചെയ്തു കൊടുത്തിരിക്കുന്ന. 67 മാണ്ട 145
ഉറപ്പ്യ വെലഇൽ കുമ്പഞ്ഞിഇൽ കൊടുത്തിരിക്കുന്ന. 68 മാണ്ട 100 ഉറപ്പ്യ വെലഇൽ
കുടിയാൻമാരൊട പണ്ടാരക്കല്പനക്കകൊണ്ട പണ്ടാരത്തിൽ കൊടുത്തിരിക്കുന്നു. 69
മാണ്ട അറവി ഇസ്സിവിക്ക കൊഴിക്കൊട്ടന്നു 200 ഉറപ്പ്യ വെലഇൽ പണ്ടാരത്തിൽ വിറ്റു.
172 നു തിടങ്ങി 230 ഒളം കൊള്ളുകയും ചെയ്തു. അക്കാലം 200 ഉറപ്പ്യ വെലക്ക തന്നെ
ഞങ്ങൾ പണ്ടാരത്തിൽ വിക്കുകയും ചെയ്തു. ഇ സ്സായ്പി കൊള്ളുംപൊലെ ഞങ്ങളും
കൊണ്ട മുളക തുക്കുകയും ചെയ്തു. 70 മാണ്ടിൽ 80 ഉറപ്പ്യ വെലക്ക ഞാങ്ങൾ പണ്ടാര
ത്തിൽ വെല മുറിച്ചി വിക്കുകയും ചെയ്തു. അക്കാലം 170 തുടങ്ങി 210 ഉറപ്പ്യയൊളവും
കൊടുത്തകൊണ്ട കൊമ്പിഞ്ഞിഇൽ കൊടുക്കുകയും ചെയ്തു. 71 മാണ്ട് 160 ഉറപ്പ്യ
വെലഇൽ പണ്ടാരത്തിൽ വെല മുറിച്ചി കൊടുക്കയും ചെയ്തു. അമൊളക 150 ഉറപ്പ്യ
തിടങ്ങി 210 ഒളം കൊടുത്തകൊണ്ട പണ്ടാരത്തിൽ കൊടുക്കയും ചെയ്തു. 72 മാണ്ട 60
ഉറപ്പ്യ വെലക്ക വെലതീർക്കുകയും ചെയ്തു. അമ്മൊളക 150 തുടങ്ങി 80 ഉറപ്പ്യ ഒളം
കൊടുത്ത പണ്ടാരത്തിൽ കൊടുക്കുകയും ചെയ്തു. ഇപ്പ്രകാരം ചെതം വന്നിട്ടും പിന്നയും
പിന്നയും ഇക്കച്ചൊടം ചെയ്ത വരുന്ന സങ്ങത്തി എന്തെന്ന സാഹൈബിന്ന തൊന്നുവാൻ
ഉണ്ടെല്ലൊ. ഞങ്ങളും ഞങ്ങളെ കാരണവൻമ്മാറ കാലത്തെ കുമ്പഞ്ഞിയുടെ കച്ചൊടം
ചെയ്തിട്ട കുമ്പഞ്ഞി കല്പിച്ച പണി എടുത്തിട്ടും ഇന്നെവരെക്കും കുമ്പഞ്ഞിൽ ഞങ്ങള
മാനത്തൊടെ അച്ചികുട്ടീന തെക്ഷിക്കുംപ്രകാരം രെക്ഷിച്ചുകൊണ്ട പൊന്നിരിക്കുന്ന.

"https://ml.wikisource.org/w/index.php?title=താൾ:39A8599.pdf/387&oldid=201008" എന്ന താളിൽനിന്ന് ശേഖരിച്ചത്