എട്ടാമധ്യായം
===1. മങ്ഗലാചരണം-===
"ശൃങ്ഗാരോജ്ജ്വലവേഷമോഹനതനും
ഗങ്ഗാധരം കാന്തനാ-
യങ്ഗീകൃത്യ വരിപ്പതിന്നു ലളിതാം
കൈക്കൊണ്ടു പൂമാലികാം
ഭങ്ഗ്യാ തുങ്ഗതരേ സ്വയംവരമഹാ-
രങ്ഗേ വിളങ്ങീടുമീ
നിൻ കോലം മനസാ മഹേശദയിതേ,
നിത്യം നിഷേവാമഹേ."
(1)
===2. കഥോപക്രമം-===
"ശ്രീകൈലാസാദ്രിശൃങ്ഗേ കനകമയമഹാ-
മന്ദിരേ തൂമരന്ദം
തൂകീടും കല്പവാടീബഹളപരിമളാ-
മോദിതാശാന്തരാളേ,
നീൾക്കണ്ണാൾമൌലി ദക്ഷാത്മജയെ മടിയിലാ-
മ്മാറു ചേർത്തങ്ങൊരുന്നാ-
ളേകാന്തേ വാണിരുന്നൂ പുരരിപുഭഗവാൻ
പൂർണ്ണകാരുണ്യധാമാ."
(2)
===3.ദക്ഷന്റെ ശിവഭർത്സനം-===
"ദുർവൃത്തന്മാരിൽ മുമ്പുണ്ടിവനു ചുടലവെ-
ണ്ണീറുംമെല്ലുണ്ടെലുമ്പും
സർവാങ്ഗേ ചേർത്തു കൂളിപ്പരിഷ തുണയുമായ്
വാസമപ്രേതഭൂമൌ ;
315
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
