ഭാഷാചമ്പുക്കൾ
ഗാഢാശ്ലേഷം മുതിർന്നീലൊരുപൊഴുതൊരുവൻ
മാനിനീസന്നിധൌ ; തീ-
യാടിക്കൂത്തെന്നപോലേ ചമയമൊരുവനും
കണ്ടുതില്ലങ്ഗനാനാം.
(20)
ചുററംവേണ്ടീല കററക്കുഴലികളൊടൊരു-
ത്തന്നു ; നേടിത്തുടങ്ങീ
ചിററപ്പന്മാർ വിശേഷിച്ചൊരു പണമുതകീ-
ലെണ്ണകൊൾവാൻവധൂനാം ;
വിററൂ കാല്പാടകം കൈവള തള കടകം
മെല്ലെമെല്ലെന്നു കണ്ഠേ
മുററും മിന്നുണ്ടു ശേഷിച്ചൊരുപരമധനം
വാരസീമന്തനീനാം. (21)
താലിപ്പെട്ടികളൊക്കെ നൽക്കളഗിരാ-
മയ്യോ കുളിക്കും വിധൌ
താളിത്തട്ടുകളായ് ച്ചമഞ്ഞിതു ;ചമ-
ഞ്ഞീലാരുമോരോതരം ;
ചേലപ്പെട്ടകമന്നുമൻപൊടുതകീ
നീൾകണ്ണിമാർക്കെത്രയും
വേലപ്പെട്ടു കൊഴിച്ച കൂഴമിടുവാൻ ;
കട്ടിൽക്കു കിട്ടീ പണം. (22)
ചുണ്ടുംനന്നായ് ച്ചുവപ്പിച്ചവർ ചുവരരികേ
ചെന്നുനിന്നാലുമേതും
334
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
