താൾ:Bhashabharatham Vol1.pdf/87

ഇത്തത്ത്വമുരചെയ്യേണം വിസ്തരിച്ചെന്റെ സൂതജ!
ആസ്തീകനാം ദ്വിജശ്രേഷ്ഠനാസ്ഥിതിക്കുരഗങ്ങളെ 2

കത്തുന്ന തീയിൽനിന്നെന്തേ കാത്തതിനുള്ള കാരണം?
സർപ്പസത്രം ചെയ്ത രാജവീരനാരുടെ നന്ദനൻ? 3

ആ വിപ്രനാരുചെ മക,നതുമെന്നൊടു ചൊല്ലെടോ!
സൂതൻ പറഞ്ഞു
ആസ്തീകമാകുന്നമാഖ്യാനമെത്രയോ മഹിതം മുനേ! 4

ഇതെല്ലാം വിവരിച്ചോതുന്നതു വാക്യജ്ഞ, കേൾ‍ക്കണം.
ശൗകനൻ പറഞ്ഞു
ആസ്തീകനാം പുരാണർഷിമുഖ്യന്റെ രസമാം കഥ 5

വിസ്തരിച്ചൊക്കെയും കേൾപ്പാനെത്രയോ രുചിയുണ്ടു മേ.
സൂതൻ പറഞ്ഞു
ഇതിഹാസമാണല്ലോ പുരാണം പുണ്യമാര്യരേ! 6

വ്യാസപ്രാണീതമിതിങ്ങനെ നൈമിഷാരണ്യവാസികൾ
പണ്ടു ചോദിക്കയാലോതിയെന്നച്ഛൻ ലോമഹർഷണൻ 7

വ്യാസശിഷ്യൻ ബുദ്ധിശാലി വിപ്രമദ്ധ്യത്തിലോതിനാൻ.
തന്മുഖാൽ കേട്ടതിഹ ഞാനുള്ളവണ്ണം കഥിച്ചിടാം. 8

ഇങ്ങീയാസ്തികചരിതമങ്ങു ശൗനക, കേൾക്കവേ
സർവപാപഹരം ചൊൽവാൻ സർവവും വിസ്തരിച്ചു ഞാൻ. 9

ആസ്തീകമുനിതന്നച്ഛൻ പ്രജാപതിസമൻ പ്രഭു
ബ്രഹ്മചാരിയനാഹാരനത്യുഗ്രതപമാർന്നിവൻ. 10

ഊർദ്ധ്വേരതജസ്സായിരുന്നു ജർൽക്കാരു മഹാമുനി
യായവരവരൻ ധർമ്മവിത്തമൻ സുദൃഢവ്രതൻ. 11

ഒരിക്കലാ മഹാഭാഗൻ പെരിയോരു തപോധനൻ
ഭ്രസഞ്ചാരം ചെയ്തിതന്തിയാമെടം ഗൃഹമാം വിധം. 12

തീർത്തങ്ങൾതോറുമാരാടിപ്പോർത്തുമെങ്ങും ചരിച്ചുതേ
ആത്മസംയാമികൾക്കല്ലാതാകാത്തച്ചര്യയായവൻ. 13

വായുഭക്ഷമനായ് ശോഷിച്ച ണുറക്കങ്ങൾവിട്ടവൻ
അങ്ങുമിങ്ങും സഞ്ചരിച്ചാൻ ദീപ്താഗ്നിസദൃശപ്രഭൻ. 14

നടുക്കുംകാലമൊരിടത്തടുക്കൽ കണ്ടിതായവൻ
ഇടുക്കിൽ തല കീഴ് തൂങ്ങിക്കിടക്കുന്ന പിതൃക്കളെ, 15

കണ്ടവാറേ ജരൽക്കാരു ചോദിച്ചിതവരോടുടൻ.
ജരൽക്കാരു പറഞ്ഞു
ഇക്കുണ്ടിൽ തല കീഴ് തൂങ്ങി നിൽക്കുന്നോർ നിങ്ങളാരുവാൻ? 16
ചോടിളക്കിക്കുളിച്ചിങ്ങു കൂടിടുന്നെല്ലി തിൻകയാൽ
അടി വിട്ട പിടിക്കാം പുൽക്കൊടി പററിപ്പിടിച്ചവർ. 17