താൾ:Bhashabharatham Vol1.pdf/91

കശ്യപൻ വേട്ടിതാക്കദ്രുവിനതാവനിതാദ്വയം
പ്രീത്യാ പ്രജാപതിസമനവർക്കേകീ വരൻ വരം. 6

ധർമ്മപത്നിയുഗത്തിന്നാക്കാശ്യപൻ പുരുനന്ദിയാൽ
വരദാനം കശ്യപൻതന്നരുളുന്നതു കേട്ടഹോ! 7

പരമാനന്ദമുൾക്കൊണ്ടാർ പരമാ രണ്ടുപേരുമേ.
പുത്രനാഗസഹസ്രത്തെക്കദ്രു വാങ്ങീടിനാൾ വരം; 8

കദ്രുവിൻ മക്കളെക്കാളും ഭദ്രം വീര്യം പരാക്രമം
ഓജസ്തേജസ്സെഴും പുത്രദ്വയം വിനത വാങ്ങിനാൾ. 9

ദിവ്യപുത്രദ്വയം ഭർത്താവവ്വണ്ണം വരമേകവേ
ഏവമെന്നാൾ വിനത ഭർത്താവിനോടു വിനീതയായ് 10

പ്രാർത്ഥിച്ചപോലുള്ള വരപ്രാപ്തിയാൽ പരിതുഷ്ടയായ്
വീര്യാഢ്യപുത്രലാഭത്താലാര്യതാൻ കൃതകൃത്യയായ്; 11

കദ്രുവും പുത്രസാഹസ്രപ്രാപ്തിയാൽ തൃപ്തിയായിതേ.
യത്നാൽ ഗർഭം പോറ്റിയാലുമെന്നു താപസസത്തമൻ 12

ഹൃഷ്ടപത്നികളോടോതിശ്ശിഷ്ടൻ പുക്കാൻ തപോവനം
ഒട്ടുകാലം ചെന്നു കദ്രു പെറ്റു മുട്ടകളായിരം 13

രണ്ടണ്ഡം പെറ്റുകൊണ്ടാളവ്വണ്ണം വിനതയപ്പോഴേ.
പരിചാരികമാരിട്ടു പരിപാലിച്ച മുട്ടകൾ 14

ചൂടുള്ള കുംഭളിലാക്കൂട്ടമഞ്ഞൂറുവത്സരം.
കദ്രുവിൻ മക്കളഞ്ഞൂറുവർഷം വന്നാർ വെളിക്കഹോ 15

വിനതാപുത്രയുഗളം വെളിക്കത്തീല പിന്നെയും.
പാവമാദ്ദേവി സന്താനഭാവത്തിൽ കൊതികൊണ്ടുടൻ 16

അണ്ഡം പൊട്ടിച്ചു നോക്കീട്ടു കണ്ടാളൊരു കുമാരനെ.
അർദ്ധകായം പൂർണ്ണമായുമർദ്ധമവ്യക്തമായുമേ 17

ആപുത്രനമ്മയെക്കോപത്താൽ ശപിച്ചാനെന്നു കേൾവിപോൽ
“അത്യാർത്തിമൂലമീയെന്നെ അർദ്ധാംഗസ്ഥിതിയാക്കയാൽ 18

എത്രയും മത്സരത്തോടുമൊത്തിരിക്കുമിവൾക്കിനി
അമ്മേ, നീ ദാസിയായ്ത്തീരുമമ്മട്ടഞ്ഞൂറു വത്സരം 19

പിന്നെയിസ്സുതനന്നമ്മേ, നിൻ ദാസ്യം വേർപ്പെടുത്തിടും
എന്നെപ്പോലിവനെയും നിയണ്ഡം പൊട്ടിച്ചു സാഹസാൽ 20

അംഗമറ്റോ വ്യംഗമട്ടോ ഭംഗമേല്പ്പിചിടായ്ക നീ.
ഇവന്റെ ജന്മകാലത്തെക്കേവലം കാത്തിരിക്കണം 21

വേണ്ടും തൽബലപുർത്തിക്കായ് വീണ്ടുമഞ്ഞൂറു വത്സരം