98 ചിലപ്പതികാരം കളോടും പ്രതേകം തന്റെ സങ്കടം തീർത്തുതരു വാൻ അപേക്ഷിച്ചതിൽ ആരും അപ്രകാരം ചെ യ്യാഞ്ഞതിനാൽ ചാത്തനെന്ന പാഷണ്ഡഭൈരവ ന്റെ സന്നിധിയിൽ ചെന്നു പാടുകിടന്നു. അവി ടെ ശ്മശാനകോഷ്ടത്തിൽ പ്രേതാശിനിയായ ഢാകി നിയെന്ന പിശാചി കൂരിരുൾകൊണ്ട നിശീഥ ത്തിൽ ഏകാകിനിയായ ആ തരുണിയെ അപഹ സിച്ചുകൊണ്ട്,നിരപരാധിയായ ബ്രാഹ്മണി! കേൾക്കൂ. ജന്മാന്തരത്തിൽ തപംചെയ്യാതവർക്കു ദേ വന്മാരും വരം കൊടുക്കുമാറില്ല ഇത് അസത്യമല്ല; സത്യം തന്നെയാണ്. എന്നു പറഞ്ഞു ആ ശവ ശരീരത്തെ കാണിപ്പാൻ പറയുകയും ഉടൻ അതി നെ അവളിൽനിന്നപദഹരിച്ചു തന്റെ കക്ഷിയിലി ടുകയും ചെയ്തു. ഇതുകണ്ട് ഇടിനിനാദം കേട്ട ഭ ജംഗിയെപ്പോലെ നടുങ്ങി മനം കലങ്ങി മുറയിടുന്ന മാനേലും മിഴിയോടു ചാത്തൻ,അമ്മേ! നീ മട ങ്ങിപ്പൊയ്ക്കൊൾക. നിന്റെ മാർഗത്തിൽ ഇതാ ആ ബാലൻ ജീവിച്ചുകിടക്കുന്നു. നീ പരിതപിക്കേ ണ്ട. എന്നു പറഞ്ഞു താൻതന്നെ ആ ശിശുവി ന്റെ രൂപം കയ്ക്കൊണ്ടുകിടന്നു. ബ്രാഹ്മണി ആ മാ യാകുമാരനെ എടുത്തു മാറോടണച്ചു തഴുവി സ്വപു ത്രനെന്നുതന്നെ വിശ്വസിച്ചുങ്കൊണ്ടു സാക്ഷാൽ മാ
താവിന്റെ കയ്യിൽ കൊണ്ടു ചെന്നു കൊടുക്കുകയും
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
