അവി സു,രസ തല മഹ പ സഹിതതലവാച്യങ്ങ-
ളായുള്ളധോലോകമേഴിലുമില്ലഹോ
അവനിധരകുഹരതലമതുബഹുവിസ്താര
മൎക്കേന്ദുനക്ഷത്രദീപ്തിക്കഗോചരം.
അവിടമുടനചലപതിജനപദമപാരമാ
മത്യുജ്ജ്വലം സദാ രത്നാവലിത്വിഷാ.
ജനതതികളനവധികൾ സുരനരതിരശ്ചാം തു;
ചാൎന്നവരല്ലവർ ചേൎന്നവരുമല്ല.
ഇഹ പുരകൾ മതിൽനിരകൾ കരകൾസരസാം തെളി-
ഞ്ഞേകരത്നോജ്ജ്വലമെന്നിയില്ലൊന്നുമേ,
രൂപ്യസുവൎണ്ണതേജോമയമെപ്പൊഴും.
ദിനവിരതിമുകുളദശസരസിരുഹഗർഭവ
ദ്ദൈത്യാളിദുൎഗ്ഗം സുഗുപ്തിസുരഭിലം.
പരിമൃദുലചലദനിലമമൃതരസമാതൃകാ
പാനീയപേശലം ദേശമേതാദൃശം.
ഇഹ മുഹിയിലൊരിടമിതി പറവതുചിതം പാൎക്കി,-
ലീരേഴുലകിലില്ലെന്നെന്തു ചൊല്ലുവാൻ?
ഇതു പറകിലതുമുചിതമിനിയുമഹമോതുവ-
നെപ്പൊഴും ദീപിതേ രാപ്പകലില്ലിതിൽ
സതതമിഹ ദിവസമിതി പറകിലതുമൊക്കുമേ;
സന്ധ്യകൾ രാത്രിയുമില്ലെന്നു ചിന്ത്യമാം.
സതതമിഹ മരുവിനവർ കരുതിന പുമൎത്ഥമോ
ധൎമ്മാൎത്ഥകാമമോക്ഷോത്തരം പഞ്ചമം.
ഇഹ നിയതസുഖവസതി സുജനവിതതിക്കാകി-
ലേകവാരം ജന്മ പത്മജന്മായുഷി.
വലിയൊരഴൽ മദനകൃത മപരമഴലൊന്നില്ല;
ബാല്യതാരുണ്യാൽ പരം വയസ്സില്ലിതിൽ;
ധരണിധരപരിവൃഢനു ജനപദമതീദൃശം
തത്ര പുരം മുഹദോഷധിപ്രസ്ഥമാം.
രജതമണികനകമയഗൃഹവലഭിഹർമ്മ്യാദി
രമ്യസരസ്സരിദാരാമഭാസുരം;
മുഖരപികമധുകരമയൂരഹംസാദികം;
മുഖ്യഗജവാജികാമധേന്വാശ്രയം:
