| ൧൨ | മാടമഹീശശതകം | |
പെട്ടെന്നഥ താൻ ക്രിമിനൽ-
ച്ചട്ടവുമെല്ലാം പുതുക്കി നന്നാക്കി
ധൃഷ്ടതയോടുനടത്തി-
ക്കഷ്ടതയാക്കോൎട്ടിനും നൃപൻ തീൎത്തു. ൫൫
വിദ്യാഭ്യാസം നാട്ടിലെല്ലാം വളൎത്താൻ
ഹൃദ്യാലോചിച്ചാദരാൽ വേണ്ടതെല്ലാം
ഹൃദ്യാകാരൻ മന്നവൻ ചെയ്തു പിന്നീ-
ടദ്യാപ്യൎത്ഥം തത്ര നൾകുന്നു വിജ്ഞൻ. ൫൬
ദേവസ്വമാം വക, പരം വഴിപോക്കരാം ഭ്ര-
ദേവൎക്കെഴുന്ന വഴിയൂട്ടിവ രണ്ടുമൊപ്പം
ദേവാധിനാഥസമനാം നൃപമൌലിവേഗാ-
ദേവാത്ര വേണ്ടവിധമങ്ങു പരിഷ്ക്കരിച്ചു. ൫൭
അഞ്ചാതഞ്ചലുമിഞ്ചിനീയരഥ പോ-
ലീസ്സും റജിസ്ത്രേഷനും
സഞ്ചായം പുനരാശുപത്രികൾ കലാൽ
ചുങ്കങ്ങളെന്നീവിധം
പഞ്ചം വിട്ടിയലും വകപ്പുകളശേ-
ഷം പാൎത്തു പേൎത്തും പരം
തഞ്ചം പൂണ്ടുപരിഷ്ക്കരിച്ചു മതിമാൻ
ശ്രീമാടഭ്രമീശ്വരൻ. ൫൮
അപ്പോൾ ഭാരതചക്രവൎത്തിനിയതായ്
വൎത്തിച്ച വിക്ടോറ്യതൻ-
കെല്പോടൊത്തൊരുജുബിലിമഹമഹോ!
കൊണ്ടാടി വേണ്ടും വിധം
ചൊല്പൊങ്ങും പല ഘോഷമൊക്കയുമതി-
ന്നൻപോടു തൻ ഭൂവിലും
നല്പോടന്നു നടത്തിനാൻ നയമെഴും
ധീമാൻ ക്ഷമാനായകൻ. ൫൯
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Manojpattat എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
