പ്പെടുത്തിയിരിക്കുന്നു. വിസ്താരഭയത്താൽ ഭഗവൽഗീതാതത്വങ്ങളെപ്പറ്റി ഇവിടെ അധികം വിവരിക്കുന്നില്ല. ഒരാളുടെ വാക്കുകൾക്ക് വിരുദ്ധമായ നടവടികൾ നമുക്കു അനുഭവപ്പെടുന്നതുവരെ ആ വാക്കുകളെ വിശ്വസിക്കേണ്ടുന്ന ചുമതലയും, അതുപ്രകാരം അദ്ദേഹത്തെ കരുതിവരേണ്ടുന്ന ചുമതലയും നമുക്കുണ്ട്. വാക്കുകൾക്കും പ്രവൃത്തികൾക്കും തമ്മിൽ വിരുദ്ധമായി യാതൊന്നും കാണുവാൻ സാധിക്കാത്തതിനാലാണ് കൃഷ്ണനെ ഒരു യോഗീശ്വരന്റെ നിലയിൽ കരുതി അദ്ദേഹത്തിന്റെ കർമ്മങ്ങളെ ഇവിടെ വിചിന്തനം ചെയ്തിട്ടുള്ളത്. യോഗീശ്വരനായ കൃഷ്ണൻ സർവ്വോൽക്കർഷേണ വർത്തിക്കട്ടെ! അദ്ദേഹത്തിന്റെ കർമ്മങ്ങൾ വിജയീഭവിക്കട്ടെ! ലോകവും സുഖപ്രദമായി തീരട്ടെ! കൃഷ്ണന്നു പറ്റുന്നതായ നിയമങ്ങൾ തത്സമാനന്മാർക്ക് ഒഴികെ മറ്റാർക്കും യോജിക്കാത്തവകളാണെന്നു ഒരിക്കൽകൂടെ വായനക്കാരെ ഓർമ്മിപ്പിച്ചുകൊണ്ട് ശേർഷം കഥാപത്രങ്ങളുടെ നേരെ തിരിയുകതന്നെ.
2 കൌരവപക്ഷം
ഇനി നമുക്കു കൌരവപക്ഷത്തിലേക്കു പ്രവേശിക്കതന്നെ. കൌരവഭാഗത്തെ മുഴുവനും ദുഷ്ടക്ക്രട്ടമെന്നു കരുതി തള്ളുകയാണല്ലൊ പൊതുവിൽ ചെയ്യാറുള്ളതു. അവർ ചെയ്തിട്ടുള്ള പല പ്രവൃത്തികളും ദോഷങ്ങൾതന്നെ എന്നുള്ളതിന്നു സംശയമില്ല. ഭീമസേനന്നു വിഷം കൊടുത്തതും, അയാളെ പാമ്പിനെക്കൊണ്ടു കടിപ്പിച്ചതും , വെള്ളത്തിൽകൊണ്ടുപോയിതാഴ്ത്തിയതും, ഭവനം
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
