താൾ:Sabhapravesam Parayanthullal.pdf/2

തീക്കനൽക്കുമടക്കമില്ലവനങ്ങൾഭസ്മമതാക്കുവാൻ
നീക്കമില്ലനിരപ്പിലുള്ളകവിപ്രബന്ധമതോതുവാൻ
മറുവശത്തുവരുന്നവന്റെ മനസിലുള്ളോരുതള്ളലും
മറിവുമവനുടെനെറിവുമൊരുവിധമറിവുമൊരു വകതുള്ളലും
പറയനോട്ഫലിക്കയില്ലതുപറകയല്ലറിയാമുടൻ
കറവുവരുവതിനെന്തുസംഗതിഗുരുജനങ്ങളിരിക്കവെ
സൽക്കവിപ്രവരൻചമച്ചകവിപ്രബന്ധനിബന്ധനം
തസ്‌കരിച്ചുവലിച്ചുകെട്ടിയകഷ്ടിപിഷ്ടികവിത്തരം
ദുഷ്ക്കവിക്കോരുനാണമില്ലതുചൊല്ലുവാനിഹവല്ലതും
ശുഷ്കബുദ്ധികളെന്തറിഞ്ഞുപറഞ്ഞതൊക്കെവൃഥാഫലം
മധുരമാകിനപഞ്ചതാരയിൽവേപ്പിലപ്പൊടികൂട്ടിയാൽ
വിധുരമായ്‌വരുമാരുമങ്ങുഭുജിക്കയില്ലതുനിർണ്ണയം
കൈതകറുമൊഴിമുല്ലമാലതിമാലതന്നിലിടയ്ക്കിടെ
കൂവളക്കുസുമങ്ങൾചേർത്തകണക്കിനേകവികെട്ടിയാൽ
നല്ലപരിമളമുള്ളതൊക്കെമറിച്ചുദുഷ്ടതായ്‌വരും
തെല്ലുസംശയമില്ലദുഷകവിവാക്കുകൾക്കരുതാരുമേ
സജ്ജനത്തിനുസംസ്കൃതക്കവികേൾക്കകൗതുകമെങ്കിലും
ദുർജ്ജനത്തിനതിങ്കലൊരുരസമേശുകില്ലിതുകാരണം
ഭടജനങ്ങടെസഭയിലുള്ളോരുപടയാണിക്കിഹചേരുവാൻ
വടിവിയെന്നൊരുചാരുകേരളഭാഷതന്നെചിതംവരൂ
കടുപടെപ്പടുകഠിനസംസ്കൃതവികടകടുകവികേറിയാൽ
ഭടജനങ്ങൾധരിക്കയില്ലതിരിക്കുമൊക്കെയുമേറ്റുടൻ
ഭാഷയേറിവരുന്നനല്ലമണിപ്രവാളമതതെങ്കിലോ
ദൂഷണംവരുവാനുമില്ലവിശേഷഭൂഷണമായ്‌വരും
വേഷസങ്‌ഗതിയോടുചേർന്നൊരുഭാഷവേണമതെങ്കിലേ
ശേഷമുള്ളജനത്തിനുംപരികോഷമെന്നുവരൂദൃഢം
ഘോരമാകിനദുരിതജലധികടന്നുമറുകരപറ്റുവാൻ
ഭാരതംകഥസാരമെന്നുധരിച്ചുകൊൾകമഹാജനം
വീരനായസുയോധനന്റെസഭാപ്രവേശവിഡംബനം
കാരണേനഭവിച്ചവാർത്തചുരുക്കിഞാനിഹചൊല്ലുവൻ
മാത്തൂരംബികേനിൻമെയ്‌പാർത്തുഞാൻവണങ്ങുന്നേൻ
ആർത്തികളൊഴിച്ചെന്നെക്കാത്തിടേണമേദേവി
ഷോണീമണ്ഡലംതന്നിലൊക്കവേപുകഴ്ന്നൊരു
ഷോണീവാനവർവീരൻദ്രോണമ്പള്ളിയാചാര്യൻ
ക്ഷീണമെന്നിയേകാത്തീടേണമിപ്പരിഷയ്ക്കു
പ്രാണപഞ്ചകത്തിന്റേത്രാണത്തിന്നനുകൂലൻ
ആചാര്യോത്തമൻബാലരവിയെന്നുപുകഴ്ന്നൊരു
ശ്രീചാരുസ്വരൂപന്റെചരണാംഭോരുഹംരണ്ടും
ആചാരോചിതംകൂപ്പിക്കവിചൊൽവാൻതുടങ്ങുന്നേൻ
വാചാവർണനംചെയ്‌വാൻവശമില്ലെങ്കിലുമെന്റെ
ദേശികേശ്വരൻതന്റെദയകൊണ്ടുകുറഞ്ഞൊന്നു
ക്ലേശിച്ചാലൊരുമാർഗംവരുമെന്നാഗ്രഹംമൂലം
കേവലപ്രിയന്മാരാംപാന്ധവൻമാരുടെവൃത്തം
കേവലമൊരുഭാഗംകഥിക്കുന്നുബുധന്മാരേ!
സോമവംശാംബുധിചന്ദ്രൻധർമരാജൻമഹാരാജൻ
ഭീമസേനാർജ്ജുനന്മാരുംആശ്വിനേയാത്മജന്മാരും
കാമിനിമാർമണിപഞ്ചാലിയും,പിന്നെസുഭദ്രയും
ശ്രീമതിയാകിനകുന്തീദേവിയുംതൽസഖിമാരും
വാസവപ്രസ്ഥമെന്നുള്ളവാസഗേഹേവഴിപോലെ
വാസസൗഖ്യോദയത്തോടെരമിച്ചുമേവിനകാലം
വാസവന്റെപുത്രനായോരർജ്ജുനൻവാണിരിക്കുന്ന
വാസഗേഹേവന്നുകൂപ്പിമയനാംദാനവശ്രേഷ്ഠൻ