കുന്ദർപ്പവൈരിയാംവിശ്വൈകനായകൻ
തന്നാജ്ഞയെശ്ശിരസാവഹിച്ചാദരാൽ.
ക്ഷേത്രബഹിർഭാഗദേശേവസിച്ചുകൊ-
ണ്ടാർത്താർത്തിനാശനനായവിശ്വേശന്റെ
കാൽത്താരടിയിണപൂജിച്ചുവന്ദിച്ചു
ചിത്തശുദ്ധ്യാവസിച്ചീടിനാൻവ്യാസനും.
എന്നതുകൊണ്ടുരാഗാദ്രിവേർപെട്ടുള്ള
ധന്യരാംമുഖ്യാധികാരികളാൽത്തന്നേ.
സേവിപ്പതിന്നുവാരാണസീയോഗ്യയെ-
ന്നേവരുംചിത്തെധരിച്ചുകൊണ്ടീടുവിനും
കേവലംനിങ്ങൾചോദിച്ചതുകാരണാ-
ലേവമെല്ലാംഞാനുരച്ചേൻമുനികളെ.
വാരാണസീപരിമാണത്തെയുമിനി
യീരണംചെയ്തീടുവൻകേട്ടുകൊള്ളുവിൻ.
മദ്ധ്യമേശംതുടങ്ങീട്ടുനേരേപുന-
രുത്തമദേഹലിവിഘ്നേശനോളമായ്.
സൂത്രംപിടിച്ചങ്ങുനാലുദിക്കിങ്കലു.
മത്തരംമണ്ഡലാകാരമായ്ചുറ്റിയാൽ.
തത്രഭവിക്കുന്നയാതൊരുരേഖതൻ
മദ്ധ്യത്തിലുത്തമമാംമഹാക്ഷേത്രത്തെ.
കാശിയെന്നിങ്ങിനേചൊല്ലുന്നുവേദങ്ങ
ളീശവാസസ്ഥാനമാമവിടെത്തന്നെ.
മുക്തിപ്രതിഷ്ഠയുംചെയ്തുകാശിക്കുള്ളിൽ
നിത്യംവിശേഷഫലസാധനമായി
വാരാണസിയെന്നനാമധേയത്തോടു-
മീരേഴുലോകങ്ങളിലുംപ്രസിദ്ധമായ്.
പാരംപരമമാംക്ഷേത്രംമഹാത്ഭുതം
നേരേവിളങ്ങുന്നിതെന്നറിഞ്ഞീടുവിൻ.
നേരൊടക്ഷേത്രത്തിനുള്ളോരളവിനെ
യീരണംചെയ്തീടുവൻകേട്ടുകൊണ്ടാലും.
പേരെഴുംക്കൈവടക്കുനദികൾക്കു
നേരേകിഴക്കുവാരണാസിയുംതഥാ.
പശ്ചിമഭാഗത്തുജാഹ്നവിയുംപാശ
ഹസ്തനായിടുംവിനായകദേവനും.
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി നിർമ്മിച്ചതാണ്. ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Bluemangoa2z എന്ന ഉപയോക്താവിനായിരിക്കും. | |||||
ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
(സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |