മയൂഖമാല/അന്നത്തെ വേർപാട്
< മയൂഖമാല
| ←വരിക വരിക മരണമേ! | മയൂഖമാല രചന: അന്നത്തെ വേർപാട് |
എന്റെ ദേവിയോട്→ |
[ 21 ]
അന്നത്തെ വേർപാട്
(ഒരു ഇംഗ്ലീഷ് കവിത - ഷെല്ലി)
വിറകൊള്ളും ചുണ്ടാൽ ചിലതെല്ലാമവൾ
വിരഹവേളയിലുരിയാടി.
അവളുടെ മനം തകരുന്നുണ്ടെന്ന-
തറിയാറായതില്ലതുകാലം.
അതുമൂലമൊന്നും കരുതാതെതന്നെ-
യവിടെനിന്നും ഞാൻ നടകൊണ്ടേൻ.
അവളരുളിന മൊഴികളൊന്നുമേ
ചെവിയിലേശീലാ ലവവും മേ.
ദുരിതമേ!-ഹാ! ഹാ! ദുരിതമേ! ലോകം
പെരിയതാം നിന,ക്കറിക നീ!
-----മാർച്ച് 1932