അയോധ്യകാണ്ഡം

 അയോദ്ധ്യകാണ്ഡം

ഏതസ്മിന്നന്തരേ ഗേഹം മാതുലസ്യ യുധാജിതഃ പ്രയയൗ ഭരതഃ പ്രീതഃ ശത്രുഘ്ന സമന്വിതഃ	1
തതഃ പ്രകൃതിഭിഃ സാകം മന്ത്രയിത്വാ സ ഭൂപതിഃ അഭിഷേകായ രാമസ്യ സമാരേഭോ മുദാഽന്വിതഃ	2
കൈകേയീ തു മഹീപാലം മന്ഥരാദൂഷിതാശയാ വരദ്വയം പൂരാദത്തം യയാചേ സത്യസംഗരം	3
വനവാസായ രാമസ്യ രാജ്യാപ്തൈ ഭരതസ്യ ച തസ്യവരദ്വയം കൃച്ഛ- മനുജ്ഞേ മഹീപതിഃ	4
രാമം തദൈവ കൈകേയീ വനവാസായ ചാദിശത് അനുജ്ഞാപ്യ ഗുരൂർ സർവ്വാൻ നിർയയൗ ച വനായസഃ	5
ദൃഷ്ട്വാ തം നിർഗതം സീതാ ലക്ഷ്മണശ്ചാനുജഗ്മതുഃ സംത്യജ്യ സ്വ ഗൃഹാൻ സർവേ പൗരശ്ചാനുയയുർദ്രുതം	6
വഞ്ചയിത്വാ കൃശാൻ പൗരാൻ നിദ്രാണാൻ നിശി രാഘവഃ വഹ്യമാനം സുമന്ത്രേണ രഥമാരുഹ്യ ചാഗമത്	7
രൃംഗിബേരപുരം ഗത്വാ ഗംഗാകുലേഽഥ രാഘവഃ ഗുഹേന സത്കൃതസ്തത്ര നിശാമേകാവുവാസ ച	8
സാരഥിം സന്നിമന്ത്ര്യാസൗ സീതാലക്ഷ്മണ സംയുതഃ ഗുഹേനാതീതയാ നാലാം സം തതാര ച ജാഹ്നവീം	9
ഭരദ്വാജമുനിം പ്രാപ്യ തം നത്വാതേ ന സത്കൃതഃ രാഘവസ്തസ്യ നിർദേശാത് ചിത്രകൂടേവസത് സുഖം	10
അയോധ്യാം തു തതോ ഗത്വാ സുമന്ത്രഃ ശോകവിഹ്വലഃ രാജ്ഞേ ന്യവേദയത്സർവ്വം രാഘവസ്യ വിചേഷ്ടിതം	11
തഥാകർണ്ണ്യ സുമന്ത്രോക്തം രാജാ ദുഖഃവിമൂഢധീഃ രാമരാമേതി വിലപൻ ദേഹം ത്യക്ത്വാദിവംയയൗ	12
മന്ത്രിണസ്തു വസിഷ്ഠോക്ത്യ ദേഹം സംരക്ഷ്യ ഭൂപതേഃ ദൂതൈരാനായയാ മാസുഃ ഭരതം മാതുലാലയത്	13
ഭരതസ്തു മൃതം ശ്രുത്വാ പിതരം കൈകേയീഗിരാ സംസ്കാരാദി ചകാരാസ്യ യഥാവിധി സഹാനുജഃ	14
അമാതെത്യഃ ചോദ്യമാനോ ഽപി രാജ്യയ ഭരതസ്തഥാ വനായൈവ യയൗ രാമ മാനേതും നാഗരൈസഹ	15
സ ഗത്വാ ചിത്രകൂടസ്ഥം രാമം ചീര ജടാധരം യയാചേ രക്ഷിതും രാജ്യം വസിഷ്ടാദ്യൈഃ ദ്വിജൈസ്സഹ	16
ചതുർദശ സാമാനീത്വാ പുനരൈഷ്യാമ്യഹം പുരീം ഇത്യുക്ത്വാപാദുകേ ദത്വാ തം രാമം പ്രത്യയാപയത്	17
ഗൃഹീത്വാ പദുകേ തസ്മാത് ഭരതോ ദീനമാനസഃ നന്ദിഗ്രാമേ സ്ഥിതസ്താഭ്യാം രരക്ഷ ച വസുന്ധരാം	18
രാഘവസ്തു ഗിരേസ്തസ്മാത് ഗത്വാത്രിം സമവന്ദത തത്പത്നിസ്തു തദാ സീതാം ഭൂഷണഃ സ്വൈരഭൂഷയത്	19
ഉഷീത്വാ തു നിശാമേകം ആശ്രമേ തസ്യ രാഘവഃ വിവേശദണ്ഡകാരണ്യം സീതാലക്ഷ്മണസംയുതഃ	20

ഇതി ശ്രീ രാമോദന്തേ അയോദ്ധ്യാകാണ്ഡം സമാപ്തം