ഇന്നു പകലിലെന്നെ

 
                 ബലഹരി- ആദിതാളം

1.ഇന്നു പകലിലെന്നെ- നന്നയനുഗ്രഹിച്ച
  മന്നവാ സ്തുതി നിന-ക്കെന്നേക്കും ചെയ്തീടുന്നേൻ

2.സർവ്വ ശക്തിയുള്ളനിൻ- ചിറകിൻ കീഴടിയനെ
  സർവ്വനേരവും രാജ- രാജനെ കാത്തുകൊൾകാ

3.ഈ ദിവസം ഞാൻ ചെയ്ത- ദോഷമാകവെ നിന്റെ
  പ്രീതിയേറും മകനെ- ഓർത്തു ക്ഷമിക്ക ദേവാ

4.ഇന്നു ഞാനുറങ്ങും മു-മ്പന്യൂനമനസാക്ഷി
   നിന്നോടും ജനത്തോടും- ഉണ്ടാവാൻ തുണക്ക നീ

5.മരണം നിർമ്മല ശയ്യ -ശയനം നിർഭയമായി
  സാദരം തോന്നുമാറെൻ- ദൈവമേ പഠിപ്പിക്ക

6.കാഹള ധ്വനി കേട്ടു -വേഗം നിൻ മഹത്വത്തെ
  കാണ്മാൻ ഞാൻ കൊതിക്കുന്നു- കരുണാവാരിധേ ദേവാ.