ഉത്തരകാണ്ഡം

 ഉത്തരകാണ്ഡം

രാജാ പര്യഗ്രഹീദേവ
ഭാര്യാം രാവണ ദൂഷിതാം
ഇത്യാജ്ഞ ജനതാദേന
രാമസ്തത്യാജ മൈഥിലീം (1)

തദ്വിദിത്വാഥ വാല്മീകിഃ
ആനീയൈനാം നിജാശ്രമം
അന്തർ വത്നീം സമാശ്വാസ്യ
തത്രൈവ വാസയത് സുഖം (2)

ഋഷിഭിഃ പ്രാർഥിതസ്യാഥ
രാഘവസ്യ നിയോഗതഃ
ശത്രുഘ്നൗ ലവണം യുദ്ധേ
നിഹത്യൗനാനപാലയത് (3)

തപസ്യന്തം തതഃ ശൂദ്രം
ശംഭൂ കാഖ്യം രഘൂത്തമഃ
ഹത്വാ വിപ്രസ്യ കസ്യാപി
മൃതം പുത്രമജീവയത് (4)

രാമേ ഹേമമയീം പത്നീം
കൃത്വാ യജ്ഞം വിതന്വതി
ആനീയ സസുതാം സീതാം
തസ്മൈ പ്രാചേതസൗ ദദൗ (5)

ശംക്യാമാനാ പുനശ്ചൈവം
രാമേണ ജനകാത്മജാ
ഭൂമ്യാ പാർഥിതയാ ദത്തം
വിവരം പ്രവിവേശ സാ (6)

അഥ രാമസ്യ നിദൈശാത്
പൗരൈഃ സഹ വനൗകസഃ
നിമജ്ജ്യ സരയൂതീർഥ
ദേഹം ത്യക്ത്വാ ദിവം യയഃ (7)

തതോ ഭരതശത്രുഘ്നൗ
നിജം രൂപമവാപതുഃ
രാമോപി മാനുഷ്യം ദേഹം
ത്യക്ത്വാ ധാമാവിശാത് സ്വകം (8)

ശ്രീരാമോദന്തമാഖ്യാതം
ഇദം മന്ദധിയാ മയാ
സമീക്ഷ്യ നിപുണൈസ്സാദ്ഭിഃ
സംശോധ്യ പരിഗൃഹ്വയതാം. (9)

യസ്തു ദാശാരഥിർ ഭൂത്വാ
രണേ ഹത്വാ ച രാവണം
രരക്ഷ ലോകാൻ വൈകുണ്ഡഃ
സ മാം രക്ഷതു ചിന്മയഃ (10)

||ഇതി ശ്രീ രാമോദന്തേ
  ഉത്തരകാണ്ഡം സമാപ്തം||
||ഇതി ശ്രീ രാമോദന്തം സമ്പൂർണ്ണം||

          ||ശുഭം||