ഉപനിഷത്തുകൾ/ഗരുഡോപനിഷദ്

←ഉപനിഷത്തുകൾ

ഗരുഡോപനിഷത് ഉപനിഷത്തുകൾ

ഉപനിഷത്തുകൾ→

ഗരുഡോപനിഷത്

വിഷം ബ്രഹ്മാതിരിക്തം സ്യാദമൃതം ബ്രഹ്മമാത്രകം .
ബ്രഹ്മാതിരിക്തം വിഷവദ്ബ്രഹ്മമാത്രം ഖഗേഡഹം ..
ഓം ഭദ്രം കർണേഭിഃ ശൃണുയാമ ദേവാഃ .. ഭദ്രം പശ്യേമാക്ഷഭിര്യജത്രാഃ ..
സ്ഥിരൈരംഗൈസ്തുഷ്ടുവാം ̐സസ്തനൂഭിഃ .. വ്യശേമ ദേവഹിതം യദായുഃ ..
സ്വസ്തി ന ഇന്ദ്രോ വൃദ്ധശ്രവാഃ .. സ്വസ്തി നഃ പൂഷാ വിശ്വവേദാഃ ..
സ്വസ്തി നസ്താർക്ഷ്യോ അരിഷ്ടനേമിഃ .. സ്വസ്തി നോ ബൃഹസ്പതിർദധാതു ..
ഓം ശാന്തിഃ ശാന്തിഃ ശാന്തിഃ ..
ഹരിഃ ഓം .. ഗാരുഡബ്രഹ്മവിദ്യാം പ്രവക്ഷ്യാമി യാം ബ്രഹ്മാ വിദ്യാം
നാരദായ പ്രോവാച നാരദോ ബൃഹത്സേനായ ബൃഹത്സേന ഇന്ദ്രായ ഇന്ദ്രോ
ഭരദ്വാജായ ഭരദ്വാജോ ജീവത്കാമേഭ്യഃ ശിഷ്യേഭ്യഃ പ്രായച്ഛത് .
അസ്യാഃ ശ്രീമഹാഗരുഡബ്രഹ്മവിദ്യായാ ബ്രഹ്മാ ഋഷിഃ . ഗായത്രീ ഛന്ദഃ .
ശ്രീഭഗവാന്മഹാഗരുഡോ ദേവതാ . ശ്രീമഹാഗരുഡപ്രീത്യർഥേ മമ
സകലവിഷവിനാശനാർഥേ ജപേ വിനിയോഗഃ . ഓം നമോ ഭഗവതേ
അംഗുഷ്ഠാഭ്യാം നമഃ . ശ്രീ മഹാഗരുഡായ തർജനീഭ്യാം സ്വാഹാ .
പക്ഷീന്ദ്രായ മധ്യമാഭ്യാം വഷട് . ശ്രീവിഷ്ണുവല്ലഭായ
അനാമികാഭ്യാം ഹും . ത്രൈലോക്യ പരിപൂജിതായ കനിഷ്ഠികാഭ്യാം വൗഷട് .
ഉഗ്രഭയങ്കരകാലാനലരൂപായ കരതലകരപൃഷ്ഠാഭ്യാം ഫട് .
ഏവം ഹൃദയാദിന്യാസഃ . ഭൂർഭുവഃ സുവരോമിതി ദിഗ്ബന്ധഃ . ധ്യാനം .
സ്വസ്തികോ ദക്ഷിണം പാദം വാമപാദം തു കുഞ്ചിതം .
പ്രാഞ്ജലീകൃതദോര്യുഗ്മം ഗരുഡം ഹരിവല്ലഭം .. 1..
അനന്തോ വാമകടകോ യജ്ഞസൂത്രം തു വാസുകിഃ .
തക്ഷകാഃ കടിസൂത്രം തു ഹാരഃ കാർകോട ഉച്യതേ .. 2..
പദ്മോ ദക്ഷിണകർണേ തു മഹാപദ്മസ്തു വാമകേ .
ശംഖഃ ശിരഃപ്രദേശേ തു ഗുലികസ്തു ഭുജാന്തരേ .. 3..
പൗണ്ഡ്രകാലികനാഗാഭ്യാം ചാമരാഭ്യാം സ്വീജിതം .
ഏലാപുത്രകനാഗാദ്യൈഃ സേവ്യമാനം മുദാന്വിതം .. 4..
കപിലാക്ഷം ഗരുത്മന്തം സുവർണസദൃശപ്രഭം .
ദീർഘബാഹും ബൃഹത്സ്കന്ധം നാദാഭരണഭൂഷിതം .. 5..
ആജാനുതഃ സുവർണാഭമാകട്യോസ്തുഹിനപ്രഭം .
കുങ്കുമാരുണമാകണ്ഠം ശതചന്ദ്ര നിഭാനനം .. 6..
നീലാഗ്രനാസികാവക്ത്രം സുമഹച്ചാരുകുണ്ഡലം .
ദംഷ്ട്രാകരാലവദനം കിരീടമുകുടോജ്ജ്വലം .. 7..
കുങ്കുമാഅരുണസർവാംഗം കുന്ദേന്ദുധവലാനനം .
വിഷ്ണുവാഹ നമസ്തുഭ്യം ക്ഷേമം കുരു സദാ മമ .. 8..
ഏവം ധ്യായേത്ത്രിസന്ധ്യാസു ഗരുഡം നാഗഭൂഷണം .
വിഷം നാശയതേ ശീഘ്രം തൂലരശിമിവാനലഃ .. 9..
ഓമീമോം നമോ ഭഗവതേ ശ്രീമഹാഗരുഡായ പക്ഷീന്ദ്രായ
വിഷ്ണുവല്ലഭായ ത്രൈലോക്യപരിപൂജിതായ ഉഗ്രഭയങ്കരകാലാനലരൂപായ
വജ്രനഖായ വജ്രതുണ്ഡായ വജ്രദന്തായ വജ്രദംഷ്ട്രായ
വജ്രപുച്ഛായ വജ്രപക്ഷാലക്ഷിതശരീരായ ഓമീകേഹ്യേഹി
ശ്രീമഹാഗരുഡാപ്രതിശാസനാസ്മിന്നാവിശാവിശ ദുഷ്ടാനാം
വിഷം ദൂഷയദൂഷയ സ്പൃഷ്ടാനാം നാശയനാശയ
ദന്ദശൂകാനാം വിഷം ദാരയദാരയ പ്രലീനം വിഷം
പ്രണാശയപ്രണാശയ സർവവിഷം നാശയനാശയ ഹനഹന
ദഹദഹ പചപച ഭസ്മീകുരുഭസ്മീകുരു ഹും ഫട് സ്വാഹാ ..
ചന്ദ്രമണ്ഡലസങ്കാശ സൂര്യമണ്ഡലമുഷ്ടിക .
പൃഥ്വീമണ്ഡലമുദ്രാംഗ ശ്രീമഹാഗരുഡായ വിഷം
ഹരഹര ഹും ഫട് സ്വാഹാ .. ഓം ക്ഷിപ സ്വാഹാ .. ഓമീം
സചരതി സചരതി തത്കാരീ മത്കാരീ വിഷാണാം ച വിഷരൂപിണീ
വിഷദൂഷിണീ വിഷശോഷണീ വിഷനാശിനീ വിഷഹാരിണീ
ഹതം വിഷം നഷ്ടം വിഷമന്തഃപ്രലീനം വിഷം പ്രനഷ്ടം
വിഷം ഹതം തേ ബ്രഹ്മണാ വിഷം ഹതമിന്ദ്രസ്യ വജ്രേണ സ്വാഹാ ..
ഓം നമോ ഭഗവതേ മഹാഗരുഡായ വിഷ്ണുവാഹനായ
ത്രൈലോക്യപരിപൂജിതായ വജ്രനഖവജ്രതുണ്ഡായ വജ്രപക്ഷാലങ്കൃത-
ശരീരായ ഏഹ്യേഹി മഹാഗരുഡ വിഷം ഛിന്ധിച്ഛിന്ധി
ആവേശയാവേശയ ഹും ഫട് സ്വാഹാ ..
സുപർണോഽസി ഗരുത്മാത്ത്രിവൃത്തേ ശിരോ ഗായത്രം ചക്ഷുഃ സ്തോമ ആത്മാ
സാമ തേ തനൂർവമദേവ്യം ബൃഹദ്രഥന്തരേ പക്ഷൗ യജ്ഞായജ്ഞിയം
പുച്ഛം ഛന്ദാംസ്യംഗാനി ധിഷ്ണിയാ ശഫാ യജൂംശി നാമ ..
സുപർണോഽസി ഗരുത്മാന്ദിവം ഗച്ഛ സുവഃ പത ഓമീം ബ്രഹ്മവിദ്യാ-
മമാവാസ്യായാം പൗർണമാസ്യാം പുരോവാച സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ വിഷഹാരിണീ ഹതം
വിഷം നഷ്ടം വിഷം പ്രനഷ്ടം വിഷം ഹതമിന്ദ്രസ്യ വജ്രേണ സ്വാഹാ ..
തസ്ര്യം . യദ്യനന്തകദൂതോഽസി യദി വാനന്തകഃ സ്വയം സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ ഹതം വിഷം നഷ്ടം
വിഷം ഹതമിന്ദ്രസ്യ വജ്രേണ വിഷം ഹതം തേ ബ്രഹ്മണാ വിഷമിന്ദ്രസ്യ
വജ്രേണ സ്വാഹാ .
യദി വാഅസുകിദൂതോഽസി യദി വാ വാസുകിഃ സ്വയം സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ ഹതം വിഷം
നഷ്ടം വിഷം ഹതമിന്ദ്രസ്യ വജ്രേണ വിഷം ഹതം തേ ബ്രഹ്മണാ
വിഷമിന്ദ്രസ്യ വജ്രേണ സ്വാഹാ യദി വാ തക്ഷകഃ സ്വയം സചരതി
സചരതി തത്കാരീ മത്കാരീ വിഷനാശിനീ വിഷദൂഷിണീ ഹതം വിഷം
നഷ്ടം വിഷം ഹതമിന്ദ്രസ്യ വജ്രേണ വിഷം ഹതം ബ്രഹ്മണാ
വിഷമിന്ദ്രസ്യ വജ്രേണ സ്വാഹാ ..
യദി കർകോടകദൂതോഽസി യദി വാ കർകോടകഃ സ്വയം സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ ഹതം വിഷം നഷ്ടം വിഷം
ഹതമിന്ദ്രസ്യ വജ്രേണ വിഷം ഹതം തേ ബ്രഹ്മണാ വിഷമിന്ദ്രസ്യ വജ്രേണ സ്വാഹാ ..
യദി പദ്മകദൂതോഽസി യദി വാ പദ്മകഃ സ്വയം സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ ഹതം വിഷം
നഷ്ടം വിഷം ഹതമിന്ദ്രസ്യ വജ്രേണ വിഷം ഹതം തേ ബ്രഹ്മണാ
വിഷമിന്ദ്രസ്യ വജ്രേണ സ്വാഹാ ..
യദി മഹാപദ്മകദൂതോഽസി യദി വാ മഹാപദ്മകഃ സ്വയം
സചരതി സചരതി തത്കാരീ മത്കാരീ വിഷനാശിനീ വിഷദൂഷിണീ ഹതം
വിഷം നഷ്ടം വിഷം ഹതമിന്ദ്രസ്യ വജ്രേണ വിഷം ഹതം തേ ബ്രഹ്മണാ
വിഷമിന്ദ്രസ്യ വജ്രേണ സ്വാഹാ ..
യദി ശംഖകദൂതോഽസി യദി വാ ശംഖകഃ സ്വയം
സചരതി സചരതി തത്കാരീ മത്കാരീ വിഷനാശിനീ വിഷദൂഷിണീ
ഹതം വിഷം നഷ്ടം വിഷം ഹതമിന്ദ്രസ്യ വജ്രേണ വിഷം
ഹതം തേ ബ്രഹ്മണാ വിഷമിന്ദ്രസ്യ വജ്രേണ സ്വാഹാ ..
യദി ഗുലികദൂതോഽസി യദി വാ ഗുലികഃ സ്വയം സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ വിഷഹാരിണീ
ഹതം വിഷം നഷ്ടം വിഷം ഹതമിന്ദ്രസ്യ വജ്രേണ വിഷം
ഹതം തേ ബ്രഹ്മണാ വിഷമിന്ദ്രസ്യ വജ്രേണ സ്വാഹാ ..
യദി പൗണ്ഡ്രകാലികദൂതോഽസി യദി വാ പൗണ്ഡ്രകാലികഃ സ്വയം
സചരതി സചരതി തത്കാരീ മത്കാരീ വിഷനാശിനീ വിഷദൂഷിണീ
വിഷഹാരിണീ ഹതം വിഷം നഷ്ടം വിഷം ഹതമിന്ദ്രസ്യ വജ്രേണ
വിഷം ഹതം തേ ബ്രഹ്മണാ വിഷമിന്ദ്രസ്യ വജ്രേണ സ്വാഹാ ..
യദി നാഗകദൂതോഽസി യദി വാ നാഗകഃ സ്വയം സചരതി സചരതി
തത്കാരീ മത്കാരീ വിഷനാശിനീ വിഷദൂഷിണീ വിഷഹാരിണീ ഹതം
വിഷം നഷ്ടം വിഷം ഹതമിന്ദ്രസ്യ വജ്രേണ വിഷം ഹതം തേ
ബ്രഹ്മണാ വിഷമിന്ദ്രസ്യ വജ്രേണ സ്വാഹാ ..
യദി ലൂതാനാം പ്രലൂതാനാം യദി വൃശ്ചികാനാം യദി ഘോടകാനാം
യദി സ്ഥാവരജംഗമാനാം സചരതി സചരതി തത്കാരീ മത്കാരീ
വിഷനാശിനീ വിഷദൂഷിണീ വിഷഹാരിണീ ഹതം വിഷം നഷ്ടം
വിഷം ഹതമിന്ദ്രസ്യ വജ്രേണ വിഷം ഹതം തേ ബ്രഹ്മണാ വിഷമിന്ദ്രസ്യ
വജ്രേണ സ്വാഹാ . അനന്തവാസുകിതക്ഷകകർകോടകപദ്മകമഹാപദ്മക-
ശംഖകഗുലികപൗണ്ഡ്രകാലികനാഗക ഇത്യേഷാം ദിവ്യാനാം
മഹാനാഗാനാം മഹാനാഗാദിരൂപാണാം വിഷതുണ്ഡാനാം വിഷദന്താനാം
വിഷദംഷ്ട്രാണാം വിഷാംഗാനാം വിഷപുച്ഛാനാം വിശ്വചാരാണാം
വൃശ്ചികാനാം ലൂതാനാം പ്രലൂതാനാം മൂഷികാണാം ഗൃഹഗൗലികാനാം
ഗൃഹഗോധികാനാം ഘ്രണാസാനാം ഗൃഹഗിരിഗഹ്വരകാലാനലവൽമീകോദ്ഭൂതാനാം
താർണാനാം പാർണാനാം കാഷ്ഠദാരുവൃക്ഷകോടരസ്ഥാനാം
മൂലത്വഗ്ദാരുനിര്യാസപത്രപുഷ്പഫലോദ്ഭൂതാനാം ദുഷ്ടകീടകപിശ്വാന-
മാർജാരജംബുകവ്യാഘ്രവരാഹാണാം ജരായുജാണ്ഡജോദ്ഭിജ്ജസ്വേദജാനാം
ശസ്ത്രബാണക്ഷതസ്ഫോടവ്രണമഹാവ്രണകൃതാനാം കൃത്രിമാണാമന്യേഷാം
ഭൂതവേതാലകൂഷ്മാണ്ഡപിശാചപ്രേതരാക്ഷസയക്ഷഭയപ്രദാനാം
വിഷതുണ്ഡദംഷ്ട്രാനാം വിഷാംഗാനാം വിഷപുച്ഛാനാം വിഷാണാം
വിഷരൂപിണീ വിഷദൂഷിണീ വിഷശോഷിണീ വിഷനാശിനീ വിഷഹാരിണീ
ഹതം വിഷം നഷ്ടം വിഷമന്തഃപ്രലീനം വിഷം പ്രനഷ്ടം വിഷം ഹതം തേ
ബ്രഹ്മണാ വിഷമിന്ദ്രസ്യ വജ്രേണ സ്വാഹാ . യ ഇമാം ബ്രഹ്മവിദ്യാമമാവാസ്യായാം
പഠേച്ഛൃണുയാദ്വാ യാവജ്ജീവം ന ഹിംസന്തി സർപാഃ . അഷ്ടൗ ബ്രാഹ്മണാൻഗ്രാഹയിത്വാ
തൃണേന മോചയേത് . ശതം ബ്രാഹ്മണാൻഗ്രാഹയിത്വാ ചക്ഷുഷാ മോചയേത് .
സഹസ്രം ബ്രാഹ്മണാൻഗ്രാഹയിത്വാ മനസാ മോചയേത് . സർപാഞ്ജലേ ന മുഞ്ചന്തി .
തൃണേ ന മുഞ്ചന്തി . കാഷ്ഠേ ന മുഞ്ചന്തീത്യാഹ ഭഗവാൻബ്രഹ്മേത്യുപനിഷത് ..
ഓം ഭദ്രം കർണേഭിഃ ശൃണുയാമ ദേവാഃ .. ഭദ്രം പശ്യേമാക്ഷഭിര്യജത്രാഃ ..
സ്ഥിരൈരംഗൈസ്തുഷ്ടുവാം ̐സസ്തനൂഭിഃ .. വ്യശേമ ദേവഹിതം യദായുഃ ..
സ്വസ്തി ന ഇന്ദ്രോ വൃദ്ധശ്രവാഃ .. സ്വസ്തി നഃ പൂഷാ വിശ്വവേദാഃ ..
സ്വസ്തി നസ്താർക്ഷ്യോ അരിഷ്ടനേമിഃ .. സ്വസ്തി നോ ബൃഹസ്പതിർദധാതു ..
ഓം ശാന്തിഃ ശാന്തിഃ ശാന്തിഃ .. ഹരിഃ ഓം തത്സത് ..
ഇതി ശ്രീഗാരുഡോപനിഷത്സമാപ്താ ..