എങ്ങും പുകഴ്ത്തുവിൻ
| എങ്ങും പുകഴ്ത്തുവിൻ രചന: |
പല്ലവി
എങ്ങും പുകഴ്ത്തുവിൻ സുവിശേഷം ഹാ
മംഗള ജയ ജയ സന്ദേശം
ചരണങ്ങൾ
നരഭോജികളെ നരസ്നേഹികളാം
ഉത്തമ സോദരരാക്കും
വിമല മനോഹര സുവിശേഷം ഹാ!
അജ്ഞാനാന്ധതയാകെയകറ്റും-
വിജ്ഞാനക്കതിർ വീശും
വേദാന്തപ്പൊരുൾ സുവിശേഷം ഹാ!
ഭീകര സമരസമാകുലമാകും-
ഭൂമിയിൽ ഭീതിയെ നീക്കും
ശാന്തി സന്ദായക സുവിശേഷം ഹാ!
വിമലജനേശുവിൽ വിശ്വസിച്ചിടുകിൽ-
വിടുതലനാമയനരുളും
വിജയധ്വനിയീ സുവിശേഷം ഹാ!
കൃപയാലേതൊരു പാതകനെയും-
പാവന ശോഭിതനാക്കും
പാപ നിവാരണ സുവിശേഷം ഹാ!
നശിക്കും ലൗകികജനത്തിനു ഹീനം,-
നമുക്കോ ദൈവികജ്ഞാനം
കുരിശിൻ വചനം സുവിശേഷം ഹാ!