കീലകസ്തോത്രം

അഥ കീലകം

അസ്യ ശ്രീ കീലകമന്ത്രസ്യ ശിവ ഋഷിഃ,
അനുഷ്ടുപ്പ് ഛന്ദഃ,
ശ്രീമഹാസരസ്വതീ ദേവതാ,
ശ്രീ ജഗദംബാ പ്രീത്യർത്ഥേ ജപേ വിനിയോഗഃ

നമശ്ചണ്ഡികായേ

മാർക്കണ്ഡേയ ഉവാച:

ഓം വിശുദ്ധജ്ഞാനദേഹായ തിവേദീ ദിവ്യചക്ഷുഷേ

ശ്രേയപ്രാപ്തിനിമിത്തായ നമഃ സോമാർദ്ധധാരിണേ. 1

സർവ്വമേതദ്വിജാനീയാൻമന്ത്രാണാമഭികീലകം

സോഽപി ക്ഷേമമവാപ്നോതി സതതം ജാപ്യതത്പരഃ 2

സിദ്ധ്യന്ത്യുച്ചാടനാതീനി വസ്തുനി സകലാന്യപി

ഏതേന സ്തുവതാം ദേവീം സ്തോത്രമാത്രേണ സിദ്ധ്യതി. 3

ന മന്ത്രോ നൗഷധം തത്ര ന കിഞ്ചിദപി വിദ്യതേ

വിനാ ജപ്യേന സിദ്ധ്യേത സർവ്വമുച്ചാടനാദികം. 4

സമഗ്രാണ്യപി സിദ്ധ്യന്തി ലോകശങ്കാമിമാം ഹരഃ

കൃത്വാ നിമന്ത്രയാമാസ സർവ്വമേവമിദം ശുഭം. 5

സ്തോത്രം വൈ ചണ്ഡികായാസ്തു തച്ച ഗുഹ്യം ചകാര സഃ

സമാപ്തിർന ച പുണ്യസ്യ താം യഥാവന്നിയന്ത്രണം. 6

സോഽപി ക്ഷേമമവാപ്നോതി സർവ്വമേവ ന സംശയഃ

കൃഷ്ണായാം വൈ ചതുർദശ്യാമഷ്ടമ്യാം വാ സമാഹിതഃ. 7

ദദാതി പ്രതിഗൃഹ്ണാതി നാന്യഥൈഷാ പ്രസീദതി

ഇത്ഥം രൂപേണ കീലേന മഹാദേവേന കീലിതം. 8

യോ നിഷ്കീലാം വിധായൈനാം നിത്യം ജപതി സംസ്ഫുടം

സ സിദ്ധഃ സ ഗണഃ സോഽപി ഗന്ധർവ്വോ ജായതേഽവനേ. 9

ന ചൈവാപ്യടതസ്തസ്യ ഭയം ക്വാപീഹ ജായതേ

നാപമൃത്യുവശം യാതി മൃതോ മോക്ഷമവാപ്നുയാത്. 10

ജ്ഞാത്വാ പ്രാരഭ്യ കുർവ്വീത ഹ്യകുർവ്വാണോ വിനശ്യതി

തതോ ജ്ഞാത്വൈവ സമ്പന്നമിദം പ്രാരഭ്യതേ ബുധൈഃ. 11

സൌഭാഗ്യാദി ച യത് കിഞ്ചിദ് ദൃശ്യതേ ലലനാ ജനേ

തത്സർവ്വം തത്പ്രസാദേന തേന ജാപ്യമിദം ശുഭം. 12

ശനൈസ്തു ജപ്യമാനേസ്മിൻ സ്തോത്രേ സമ്പത്തിരുച്ചകൈഃ

ഭവത്യേവ സമഗ്രാപി തതഃ പ്രാരഭ്യമേവ തത്. 13

ഐശ്വര്യം യത്പ്രസാദേന സൌഭാഗ്യാരോഗ്യ സമ്പദഃ

ശത്രുഹാനിഃ പരോ മോക്ഷഃ സ്തൂയതേ സാ ന കിം ജനൈഃ. 14

ചണ്ഡികാം ഹൃദയേനാപി യഃ സ്മരേത് സതതം നരഃ

ഹൃദ്യം കാമമവാപ്നോതി ഹൃദി ദേവി സദാ വസേത്. 15

അഗ്രതോമും മഹാദേവകൃതം കീലകവാരണം

നിഷ്കീലഞ്ച തഥാ കൃത്വാ പഠിതവ്യം സമാഹിതൌ. 16

ഇതി ശ്രീ ഭഗവത്യാഃ കീലകസ്തോത്രം