ആത്മമിത്രം
അതെല്ലാം സമ്പാദിക്കുകയാ. ഞാമ്പറയാമെല്ലോ കഴിഞ്ഞേന്റേങ്ങേക്കൊല്ലം ആയിരത്തിൽകൂടുതൽ രൂപയാ ഇയ്യാളു സമ്പാദിച്ചെ! ങാഹാ! അതെല്ലാമെന്തുചെയ്തു. ഞാനത്ഭുതത്തോടു ചോദിച്ചു. കടക്കാരൻ അല്പം സംശയം. എന്നെ ഒന്നു കൂടി സൂക്ഷിച്ചുനോക്കി. നിശ്ശബ്ദമായി ഒന്നു ചിരിച്ചു. ഒള്ളതു പറയാമെല്ലോ! എന്തോ എന്നെ അയാൾക്കു വല്യ വിശ്വാസമാ. ആ പണമെല്ലാമെന്നെയേല്പിച്ച് രണ്ടായ മായിട്ടു് ഒരു വസ്തു വാങ്ങിക്കണമെന്നാ മൂപ്പിലന്റെ ആശ. ഇയാൾക്കു ഭാര്യ്യയും മക്കളുമാരുമില്ലെ? ഉണ്ടു് അതുങ്ങളെല്ലാം തിന്നുമുടിപ്പിക്കുമെന്നു പറഞ്ഞാ എന്നെ പണം സൂക്ഷിക്കാൻ ഏൽപ്പിച്ചിരിക്കുന്നതു്. ഞാനൊന്നും മിണ്ടിയില്ല. അയാൾ തുടർന്നു:--- മാസംതോറും പത്തും അമ്പതും കൊണ്ടുത്തരും ഞാതെല്ലാം വാങ്ങിച്ചു വയ്ക്കും. ഞാൻ തലകുലുക്കി. അയാൾ വീണ്ടും തുടർന്നു. ഞാനീ ബീഡീം തെറുത്തോണ്ട് ....നൂറ്റിമൂന്നു്... ങാ! ഇപ്പോളഞ്ചുകൊല്ലമായി ഇരുന്നിട്ടു്. അയാടെ പാതിപോലും സമ്പാദ്യമില്ല സാറെ. പാവം പണം തന്നതു കൊണ്ടു് ഇത്രയുമൊക്കെയായി-- അയാളൊന്നു ചിരിച്ചു. നിങ്ങൾ കടമെടുത്തതാണോ? ഓ! അതൊന്നുമല്ല. അതെടുത്തു സാമാനമൊക്കെ വാങ്ങിച്ചു. അയാളാവശ്യപ്പെട്ടാലോ?
