തലശ്ശേരി രേഖകൾ 447
സായപു അവർകൾ സലാം. എന്നാൽ മിഥുനമാസം 31 നു കൊളക്കാട്ടനിന്ന യാത്രയായി
വടകരക്ക വരുന്നതുകൊണ്ട ആ ദിവസം രാജാവ അവർകൾക്ക നമ്മെ കാമാൻ സങ്ങതി
ഉണ്ടായാൽ വടകരയിൽ തന്നെ വരികയും വെണ്ടിഇരിക്കുന്നു. എന്നാൽ വടകരയിൽ
വരുവാൻ തങ്ങൾക്ക സങ്ങതി ഇല്ല എന്നു വരികിൽ തലച്ചെരിയിൽ ഉടനെ പൊകുവാൻ
നമുക്ക ആവിശ്യമായിരിക്കകൊണ്ട തങ്ങളെ താൽപര്യം എതുപ്രകാരം ആകുന്ന എന്ന
താമസിയാതെ ഇതിന്റെ ഉത്തരം എഴുതി അയക്കവെണ്ടിയിരിക്കുന്ന. എന്നാൽ കൊല്ലം
973 ആമത മിഥുന്ന മാസം 29 നു ഇങ്കിരിയസ്സകൊല്ലം 1798 ആമത ജൂലായിമാസം 10 നു
എഴുതിയത.
985 I
1135 മത രാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടെൻ ജെമിസ്സ
ഇഷ്ടിവിൻ സായ്പു അവർകൾക്ക കടുത്തനാട്ട പൊർള്ളാതിരി ഉദയവർമ്മ രാജാവ
അവർകൾ സലാം. എന്നാൽ 29 നു സാഹെബ അവർകൾ കൊടുത്തയച്ച കത്ത ഇന്ന
നമുക്ക വന്ന.വായിച്ച വർത്തമാനം മനസ്സിലാകയും ചെയ്തു. 31 നുക്ക സാഹെബ
അവർകൾ കൊളക്കാട്ടനിന്ന പുറപ്പെട്ട വടകര എത്തുമെന്നെല്ലൊ സാഹെബ അവർകൾ
എഴുതി അയച്ചത. നമുക്ക സാഹെബ അവർകളെ കാണെണമെന്ന വളരെ
താൽപര്യംതന്നെ ആകുന്നു. ആയതിന 31 നുക്ക വടകരെ വരണ്ടിയതിന ഇതിന്റെ
അടുത്തനാൾ കർക്കിടകമാസം പാവെഊട്ടെണ്ടെ മരിയാദിആയി നടന്ന വരുന്ന
അടിയന്തരമാകകൊണ്ട ആയത കഴിക്കെണ്ടുന്നതിന താമസിക്ക വെണ്ടിയിരിക്കുന്നു.
അതിനുവെണ്ടി സാഹെബ അവർകൾക്ക മുഷിച്ചൽ തൊന്നുകെയും അരുത. ഈ
അടിയന്തരം കഴിഞ്ഞാലുടനെ കാമാൻ തക്കവണ്ണം എവിടെ വരുവാൻ ആകുന്നു
സാഹെബ അവർകളെ കല്പന എന്നവെച്ചാൽ അവിടെക്ക നാം വരികയും ചെയ്യാം.
താമസിയാതെ തലശ്ശെരിന്ന രണ്ടാമത സാഹെബ അവർകൾ ഇങ്ങൊട്ട പുറപ്പാട ഉണ്ട
എന്ന നമുക്ക എഴുതി വന്നാൽ നാം വടകരെ സമീപംതന്നെ പാർത്ത നിൽക്കുകയും
ചെയ്യാം. എതപ്രകാരം സാഹെബ അവർകളുടെ കല്പന എന്നാൽ അപ്രകാരം
അനുസരിക്കുന്നതിന ഉപെക്ഷ വരികെയും ഇല്ല. എല്ലാ കാര്യത്തിനു സാഹെബ
അവർകളെ കൃപ ഉണ്ടായിരിക്കെയും വെണം. എന്നാൽ കൊല്ലം 973 മത മിഥുനമാസം
30 നു എഴുതിയ കത്ത മിഥുനം 31 നു ഇങ്കിരിയസ്സകൊല്ലം 1798 മത ജൂലായി മാസം 12 നു
വന്നത.
986 I
1136 മത മഹാരാജശ്രീ വടക്കെ പകുതിയിൽ അധികാരി ജെമിസ്സ സ്ഥിവിൻ സായ്പു
അവർകളുടെ സന്നിധാനത്തിങ്കൽ ബൊധിപ്പിപ്പാൻ കണ്ണുൽ അദാലത്ത ദൊറൊഗ
പുതുക്കുടി പക്കിമൂപ്പൻ എഴുതിയ അരിജി. സായ്പു അവർകൾ കൽപിച്ചി അയച്ചതിന്റെ
ശെഷം ഞാൻ കണ്ണൂര വന്ന മുൻമ്പെത്തെ ദൊറൊഗെന സായ്പു അവർകൾ തന്നെ
കത്ത കൊടുത്ത ദൊറെഗാന്റെ ഉക്കുമനാമം വാങ്ങി സായ്പു അവർകളുടെ
സന്നിധാനത്തിങ്കലെക്ക കൊടുത്തയച്ചിരിക്കുന്നു. മുൻമ്പിൽ അദാലത്തിൽ ഉള്ളെ
കണക്ക ദൊറൊഗനൊടു ചൊതിച്ചാരെ എതാനും ചില കണക്കുകൾ ഒക്കയും തന്ന
ശെഷം ഉള്ള കണക്ക തരാമെന്നു പറഞ്ഞിരിക്കുന്നു. ഇനിക്ക ഒരു ഹുക്കുമനാമം
കൊടുത്തയക്കാമെന്ന സായ്പ അവർകൾ കൽപിച്ചിരിക്കുന്നതകൂടി ഈ അരിജിയും
കൊണ്ടുവരുന്നെ ശിപ്പായിടെ കയ്കൽതന്നെ കൊടുത്തയക്കുക വെണ്ടിയിരിക്കുന്നു.
കൊല്ലം 973 മത മിഥുനമാസം 29 നു ഇങ്കിരിയസ്സ കൊല്ലം 1798 മത ജൂലായിമാസം 10 നു
എഴുതിയ അരിജി. മിഥുനമാസം 31 നു ജൂലായിമാസം 12 നു വന്നത.
