— 19 —
ഒമ്പതാം പാഠം.
(i.) ആഖ്യാതം.
33. ആഖ്യയെക്കുറിച്ചു നാം എന്തു പറയുന്നുവോ ആ
യതു ആഖ്യാതം.
'സൂൎയ്യൻ ഉദിച്ചു'എന്ന വാക്യത്തിൽ ആഖ്യയായ 'സൂൎയ്യൻ'
ഉദയം എന്ന പ്രവൃത്തി ചെയ്തു എന്നു നാം പറയുന്നതുകൊ
ണ്ടു 'ഉദിച്ചു' എന്നതു ആഖ്യാതം.
9. അഭ്യാസം.
1. ചന്ദ്രൻ ശോഭിച്ചു. 2. പക്ഷികൾ കൂട്ടിൽ കൂടുന്നു. 3. കുട്ടികൾ ഈ
ശ്വരനെ സ്മരിക്കുന്നു. 4. പണിക്കാർ പ്രവൃത്തിപിരിഞ്ഞു. 5. നീ സദാ
സത്യം പറക. 6. നക്ഷത്രങ്ങൾ മിന്നുന്നു. 7. കപ്പൽ കടലിൽ ആണ്ടു.
8. ഞാൻ ആ ഗ്രാമം വിട്ടുപോയി. 9. ഒരു കിഴവൻ എന്നെക്കണ്ടു. 10. കാഫ്രി
കൾ മനുഷ്യരെ തിന്നുന്നു. 11. രാജാവു എന്നോടു പ്രീതികാണിച്ചു. 12. ദൈ
വം നിങ്ങളെ കാത്തുകൊള്ളും. ഈ വാക്യങ്ങളിലെ ആഖ്യയെയും ആഖ്യാത
ത്തെയും തിരിച്ചെഴുതുക. ഇവ ഓരോന്നു എന്തു പദമെന്നു പറകയും ചെയ്ക.
34. ആഖ്യാതം ഇവിടെ ക്രിയാപദമാകയാൽ ക്രിയാഖ്യാ
തം എന്നും പറയും.
35. ചിലപ്പോൾ നാമവും ആഖ്യാതമായ്വരും.
| 1. എനിക്കു ദൈവം തുണ. | 4. ഗുരുനാഥൻ സമൎത്ഥൻ. |
| 2. വിദ്യ വലിയ ധനം. | 5. യജമാനൻ ദയാലു. |
| 3. സീത സുന്ദരി. | 6. പരശുരാമൻ ഒരു വീരൻ. |
'പരശുരാമൻ ഒരു വീരൻ" എന്നതു അൎത്ഥം സമ്പൂൎണ്ണ
മായിരിക്കുന്ന വാക്കുകളുടെ സമൂഹമാകയാൽ വാക്യമാകുന്നു.
ഈ വാക്യത്തിൽ പരശുരാമനെക്കുറിച്ചു നാം എന്തു പറയു
ന്നു? അവൻ വീരന്മാരിൽ ഒരുവനാകുന്നു എന്നു പറയുന്നു.
അതുകൊണ്ടു പരശുരാമൻ എന്നതു ആഖ്യയും ആഖ്യയെ
2*
