ഈ താളിൽ തെറ്റുതിരുത്തൽ വായന നടന്നിരിക്കുന്നു
- അങ്ങനെയുള്ള ജന്തുക്കളിൽവച്ചി-
- ട്ടങ്ങൊരുത്തനനേകജന്മങ്ങളാൽ
- ചെയ്തിട്ടുള്ളൊരു പുണ്യകർമ്മങ്ങളാ-
- ലൊന്നെന്നാലും ഘുണാക്ഷരന്യായേന
- ജന്യമാകയാലീശ്വരാജ്ഞാവശാൽ
- ശ്രുതിസ്മൃത്യുക്തപുണ്യകർമ്മങ്ങളിൽ
- മതിയുണ്ടാമതുകൊണ്ടനന്തരം
- സജ്ജനങ്ങളിൽ ഭക്തിയുണ്ടാകുമ്പോൾ
- അവർചൊല്ലീടും മാർഗ്ഗത്തിൻ ധർമ്മത്തെ
- ഈശ്വരാർപ്പണരൂപേണ ചെയ്യുമ്പോൾ
- തന്മാഹാത്മ്യത്താലന്തഃകരണവും
- ശുദ്ധമായീടുമന്നേരമാദരാൽ
- സൽക്കഥാശ്രവണാദികൾകൊണ്ടുടൻ
- വിജ്ഞാതമാകും സംസാരദോഷവും.
- അന്നേരത്തു പരമപുരുഷാർത്ഥ-
- മാകും മോക്ഷത്തിലിച്ഛയുണ്ടായ്‌വരും
- സാധനങ്ങളെ നാലിനേയുമങ്ങു
- സമ്പാദിച്ചുംകൊണ്ടപ്പുരുഷോത്തമൻ.
- മോക്ഷസൗഖ്യപ്രദനാം പരബ്രഹ്മ-
- സാക്ഷാത്ക്കാരത്തോടുംകൂടി സർവദാ
- പ്രക്ഷീണാശേഷദോഷവാനായ് പ്രാണി-
- വർഗ്ഗങ്ങളിൽ കരുണയോടും കൂടി
- സർവദാ ശ്രുതിമസ്തകവാക്യത്തെ
- ശ്രവണംചെയ്തനുഭവരൂപനായ്
