ഈ താളിൽ തെറ്റുതിരുത്തൽ വായന നടന്നിരിക്കുന്നു
- അഹംകാരദശയിങ്കലുള്ളൊരു
- സുഖദുഃഖാദി സംസാരദോഷങ്ങൾ
- അഹംകാരലയമാം സുഷുപ്തിയിൽ
- അഖിലവും നശിച്ചുപോകുമല്ലോ
- ശ്രീമത് ഭാഗവതൈകാദശസ്കന്ധേ
- ശ്രേയസ്താമനാമുദ്ധവൻ തന്നൊടും
- ശ്രീകൃഷ്ണനരുൾചെയ്തതു തന്നെ
- ശ്രേയസ്സെന്തിതിലേറെയൊന്നുള്ളതു
- ഇപ്രകാരമഖണ്ഡാനന്ദാദ്വയ-
- ബ്രഹ്മാഭിന്നനാം പ്രത്യഗാത്മാവുതാൻ
- സർവത്തിന്നുമവിഷയനെങ്കിലും
- വൃത്തിവ്യാപ്തനാമില്ല ഫലവ്യാപ്തി
- ദേഹാദികളിലാത്മത്വം മൂലമായ്
- സമസ്തവും നിരസ്തമായീടുമ്പോൾ
- സർവസാക്ഷ്യഹമെന്നഖണ്ഡാനന്ദ-
- സാക്ഷാത്ക്കാരമാം ചിത്തവൃത്തികൊണ്ടു
- സാക്ഷ്യഹംകാരഭേദം മറച്ചീടും
- ബ്രഹ്മനിഷ്ഠയാമജ്ഞാനം നഷ്ടമാം.
- ശുദ്ധരൂപനാം പ്രതഗാത്മാവപ്പോൾ
- സ്വപ്രകാശനായ് ബുദ്ധിതൻ വൃത്തിയിൽ
- പ്രതിബിംബിക്കും വൃത്തിവ്യാപ്തിയെന്നു
- പറയുന്നിതതുതന്നെ ശാസ്ത്രത്തിൽ
- വൃത്തിനിഷ്ഠചിദാഭാസനെത്തന്നെ
- ഫലചൈതന്യമെന്നും പറയുന്നു
