ഈ താളിൽ തെറ്റുതിരുത്തൽ വായന നടന്നിരിക്കുന്നു
- അതുകൊണ്ടു ഘടാദികളെപ്പോലെ
- സ്വപ്രകാശാത്മാ ശോഭിക്കയില്ലല്ലോ.
- അത്രയല്ല ഫലചൈതന്യമപ്പോൾ
- സൂര്യജ്യോതിഷി രൂപപ്രഭപോലെ
- സ്വപ്രകാശമാം സാക്ഷിപ്രകാശത്തിൽ
- ക്ഷിപ്രമന്തർഭൂതമായ്ഭവിച്ചീടും.
- ഇതുകൊണ്ടല്ലോ വേദാന്തവാക്യങ്ങൾ
- ശ്രുതിഗമ്യത്വം ബുദ്ധ്യാദ്യഗമ്യത്വം
- രണ്ടുമാത്മാവിനുണ്ടെന്നു ചൊല്ലുന്നു
- കണ്ടുകൊള്ളണം ചേഷ്ടിതമിങ്ങനെ
- വിദ്യാവാരിധിപാരഗനാകിയ
- വിദ്യാരണ്യമുനീന്ദ്രഗുരുക്കളും
- വിസ്തരിച്ചിതു തന്നെയരുൾചെയ്തു
- ‘തൃപ്തിദീപ’*ത്തിലെത്രയും സ്പഷ്ടമായ്.
- ഇപ്രകാരം സമുത്പന്നമായൊരു
- വിജ്ഞാനത്തിൻ ദാർഢ്യാർത്തമായിട്ടു
- പ്രതിബിംബമാം ദേഹാത്മബുദ്ധിയും
- ജഗത്‌സത്യത്വബുദ്ധിയും നിശ്ശേഷം
- നശിച്ചീടുവാൻ കാരണമായൊരു
- ദേഹാദിവ്യതിരിക്താത്മചിന്തനം
- ജഗന്മിഥ്യാത്വചിന്തനവും സദാ
- പരിശീലിച്ചുകൊൾക നിരന്തരം.
- ശ്രീ വിദ്യാരണ്യമുനികൃതമായ പഞ്ചദശിയിലേ 7-ആം പ്രകരണമാണു് തൃപ്തിദീപം.
