൧൦൭
പ്രധാന അംശങ്ങൾ.—ഇത വടക്കെ കനറാ എന്നും തെ
ക്കെ കനറാ എന്നും രണ്ട ഭാഗങ്ങളാകുന്നു. വടക്കേതിൽ ബൃന്ദാ എന്നും
ബില്ജീ എന്നും അങ്കൊലാ എന്നും ഊണ്ണൂർ എന്നും കുണ്ടാപ്പൂര എന്നും ഉ
ള്ള പ്രദേശങ്ങൾ ഉണ്ട.
പ്രധാന നഗരികൾ.-—ൟ ദേശത്തിലെ കുടിയാന്മാർസാ
മാന്യം അവരുടെ നിലങ്ങളിൽ തന്നെ പാൎക്കുന്നതകൊണ്ട അതിന്റെ
ഉള്ളിൽ പട്ടണങ്ങൾ എങ്കിലും ഗ്രാമങ്ങൾ എങ്കിലും കുറച്ചെ ഉള്ളു. എന്നാ
ൽ സമുദ്രതീരത്തിങ്കൽ പലതും ഉണ്ട. അവയിൽ പ്രധാനമായിട്ടുള്ളവ
സെദശെഗർ എന്നും ഊണ്ണൂർ എന്നും കുന്ദപ്പൂര എന്നും മംഗലൂർ എന്നും
ആകുന്നു.
മാംഗലൂർ വൎദ്ധിച്ച വരുന്ന ഒരു വലിയ പട്ടണം ആകുന്നു. ൧൭൮൩
മതിൽ തിപ്പുസുൽത്താൻ ബഹു സെന്യത്തോടും പ്രെഞ്ചുകാരുടെ സ
ഹായത്തോടും ക്രടെ ൟ നഗരത്തെ ഏറിയ നാൾ വളഞ്ഞിരുന്നു. എ
ങ്കിലും കൎണ്ണെൽ കാമ്പെലിന്റെ കീഴിൽ ഉണ്ടായിരുന്ന കുറഞ്ഞോരു
സൈന്യത്തെ കൊണ്ട തിപ്പുവിന്റെ പ്രയത്നങ്ങളിൽ ഒക്കെയും മടുപ്പി
ച്ച ഒടുക്കം തീരുമാനം അവനെ തോല്പിച്ചതിനാൽ ൟ സ്ഥലം ശ്രുതി
ഉള്ളതാകുന്നു.
ദേശ രൂപം.-—സൂന്ദാ എന്ന വെളി ഭൂമി ഒഴികെ കനറാ മുഴു
വനുംപാറയുള്ള മലപ്രദേശം എന്ന പറയപ്പെടാം. ഇടെയ്കിടെക്ക
പൎവതങ്ങളിൽനിന്ന സമുദ്രത്തിലോട്ട ഒഴുകുന്ന ചെറിയ ആറുകളും ഉ
ണ്ട. അത നല്ല വിളവുള്ളതും വലിയ കാടുള്ളതും ആകുന്നു. മഴ സാമാ
ന്യമായി ഇടവമാസത്തിൽ തുടങ്ങി തുലാമാസം വരെയും നില്ക്കുന്നു.
ഉത്ഭവങ്ങൾ.-—ആ ദേശത്തിലെ പ്രധാന ഉത്ഭവം നെല്ലാകു
ന്നു. ഇത കൂടക്കൂടെ ഇന്ദ്യായിലെ മറ്റ ദേശങ്ങളിലേക്കും അറാബിയ
യിലേക്കും പോക്കചരക്കായിട്ട കേറ്റി അയക്കപ്പെടുന്നു. തേക്കും മറ്റ
വൃക്ഷങ്ങളും നല്ലമുളകും സുഗന്ധവൎഗ്ഗങ്ങളും ചന്ദനവും പഞ്ചസാരയും
ഉണ്ട. കന്നുകാലികൾ ചെറിയ മാതിരി ആകുന്നു. മനുഷ്യർ തന്നെ
വേലചെയ്യുന്നത കൊണ്ട കൃഷീക്ക അവയെ കൊണ്ട ഒട്ടും പ്രയോഗം
ഇല്ല. അവിടെ കൈവേലകൾ ഒന്നും ഇല്ല.
മതം.-—ആ ദേശത്തിൽ അധികം നടപ്പുള്ള മതങ്ങൾ ഇന്ദു മത
വും മഹമ്മദ മതവും ആകുന്നു. എങ്കിലും ക്രിസ്ത്യാനികൾ എന്ന പേരു
ള്ളവരായിട്ട റോമസഭക്കാരിൽ അനേകായിരങ്ങൾ ഉണ്ട. ഇവർ ഇന്ദു
രാജാക്കന്മാരുടെ കാലങ്ങളിൽ അവർ കൊങ്കാനിൽനിന്ന ൟ ദേശ
ത്തിലേക്ക വരുത്തി പല ഗുണങ്ങളും ചെയ്തുകൊടുത്ത അവിടെ പാൎത്തു
വന്നവരുടെ സന്തതികളാകുന്നു. ജീയന്മാരുടെ കൂട്ടക്കാരും വളരെഉ
ണ്ട. ൟ കൂട്ടക്കാർ വെവ്വെറായി ഇന്ദ്വായിൽ പാൎക്കുന്നുണ്ട. എങ്കിലും ഇ
വിടെയും മലബാറിന സമീപെയുള്ള ദേശങ്ങളിലുമെ അവരെ കൂട്ടമാ
യിട്ട കാണ്മാനുള്ളു.
൫ . മൈസൂർ എന്ന ദേശത്തെ കുറിച്ച.
അതിരുകൾ.—ൟ ദേശത്തിന്റെ വടക്കെ ഭാഗം സിദെദ ദെ
K 2
