൫൬
ക്കുന്നു. അവിടെ ൪൦൦ തൂണുകളിന്മേൽ പണിയപ്പെട്ടിരിക്കുന്ന ഒരു വി
ശേഷമായ മഹമ്മദ പള്ളി ഉണ്ട. ആയതിൽ ൩൦൦ വെള്ളി വിളക്കുക
ൾ എല്ലായ്പൊഴും കൊളുത്തി നിറുത്തിയിരിക്കുന്നു. അവന്റെ ശവപ്പെ
ട്ടി പൊന്നും നീരാളം കൊണ്ട പൊതിഞ്ഞ വെള്ളിനീരാളം കൊണ്ടുള്ള
മേല്ക്കെട്ടിയുടെ കീഴെ വെക്കപ്പെട്ടിരിക്കുന്നു.
൩ അറാബിയയിലുള്ള കുതിരകൾ എത്രയും വിശേഷമുള്ളവയാകു
ന്നു. അവിടെ ഒട്ടകങ്ങളും വളരെ ഉണ്ട. എന്നാൽ ആ പ്രദേശം വെ
ള്ളം കുറഞ്ഞും മണൽ അധികമായുള്ളതാകയാൽ ജനങ്ങൾ ഒട്ടകത്തി
ന്മേൽ കേറിയും സാമാനങ്ങൾ കേറ്റിയും സഞ്ചരിച്ച വരുന്നു. ഒട്ടക
ത്തിന്ന വനക്കപ്പൽ എന്ന പേർ വിളിക്കയും ചെയ്യുന്നു.
കച്ചവടക്കാരും വഴിയത്രക്കാരും കള്ളന്മാരിൽനിന്ന ഭയം കൂടാതെ
സഞ്ചരിപ്പാനായിട്ട വളരെ ഒട്ടകങ്ങളെ കൂട്ടമാക്കികൊണ്ട സഞ്ചരിക്കു
ന്നു. ആ കൂട്ടത്തിന്ന കറവാൻ എന്ന പേർ വിളിക്കയും ചെയ്തുവരുന്നു.
പാർസിയയെ കുറിച്ച.
അതിരുകൾ.—പാർസിയയുടെ വടക്കെ ഭാഗം കസ്പിയൻ സ
മുദ്രത്താലും താൎത്തറി എന്ന ദേശത്താലും കിഴക്കെ ഭാഗം അപ്ഘാനിസ്താൻ
എന്നും ബെലൂചിസ്താൻ എന്നും പറയുന്ന ദേശങ്ങളാലും തെക്കെ ഭാഗം
ഇന്ദ്യാ സമുദ്രത്താലും പാർസിയ എന്നും ഓൎമൂസ എന്നും പറയുന്ന ഉൾ
കടലുകളാലും പടിഞ്ഞാറെ ഭാഗം ആസിയായിലെ തുൎക്കി എന്നും അറാ
ബിയ എന്നും പറയുന്ന ദേശങ്ങളാലും അതൃത്തിയാക്കപ്പെട്ടിരിക്കുന്നു.
പ്രധാന നഗരികൾ.—പാർസിയയിലെ ഇപ്പോഴത്തെ പ്ര
ധാന നഗരി ഷിറാസ്സ എന്നാകുന്നു. പണ്ടത്തെ പ്രധാന നഗരി ഇ
സ്പഹാൻ എന്ന ആയിരുന്നു കസ്പിയൻ കടലരികെ താഹരാൻ എന്ന
പേരുള്ള കേൾവിപ്പെട്ട ഒരു പട്ടണം ഉണ്ട.
മലകൾ.—പാർസിയയിലെ മലകൾ ആ ദേശത്തിൽ കൂടി കിഴ
ക്ക പടിഞ്ഞാറായിട്ട കിടക്കുന്നു. അവ തൊറുസ എന്നെങ്കിലും ഇന്ദുകൊ
ഷ എന്നെങ്കിലും കൊക്കസസ്സ എന്നെങ്കിലും പേരുള്ള വലിയ മലകളു
ടെ കൂട്ടത്തിൽ ഒരു പങ്ക ആകുന്നു.
ദ്വീപുകൾ.—പാർസിയൻ ഉൾക്കടലിലുള്ള ഓൎമൂസ എന്നും കി
ഷ്യാ എന്നും കാറക്ക എന്നും ആകുന്നു.
പ്രധാന ആറുകൾ.—പാർസിയയിലെ പ്രധാന ആറുക
ൾ കൂറ എന്നും അറാസ എന്നും പേരുള്ളവ ആകുന്നു. ഇവ അറാറാത്ത
എന്ന മലയിൽനിന്ന ഒഴുകിവന്ന കസ്പിയൻ സമുദ്രത്തിൽ വീഴുന്നു.
ദേശരൂപം.—പാർസിയ ഒരു മലപ്രദേശം ആകുന്നു എങ്കിലും
അവിടെ വിസ്താരമുള്ള മുകൾ പരപ്പുകൾ വളരെ ഉണ്ട. താണ മൈ
താന ഭൂമികളും വളരെ ഉണ്ട എങ്കിലും മിക്കവയും വൃക്ഷമില്ലാത്ത വനം
തന്നെ ആകുന്നു.
ക്ലൈമെട്ട.—കസ്പിയൻ കടലരികെയുള്ള ദിക്കുകളിൽ വേനൽ
കാലം ബഹു ഉഷ്ണമുള്ളതാകുന്നു. വൎഷകാലം ഏറെ ശീതമുള്ളതല്ല എങ്കി
