ഈ താളിൽ തെറ്റുതിരുത്തൽ വായന നടന്നിരിക്കുന്നു
— 173 —
അധികം നാമങ്ങളിൽ, സമാസത്താൽ ചേരുന്ന
പൂൎവ്വപദം പ്രകൃതിയായാലും മതി.
ഉ-ം. 'തീക്കൽ,' 'നരിപ്പൽ,' 'മഴക്കാലം,' 'പെൺകുല,' 'ഉൾത്താ
ർ,' 'രാക്കൺ,' 'പിലാവില' എന്നിവറ്റിൽ 'തീ,' 'നരി,' 'മഴ,'
'പെൺ,' 'ഉൾ', 'രാ,' 'പിലാ' എന്നീപ്രകൃതികൾ സമാസത്തി
ൻ്റെ പൂൎവ്വപദം ആകുന്നു.
210. പൂൎവ്വപദം എപ്പൊഴും നാമം തന്നെ ആയിരിക്കെണം എ
ന്നുണ്ടൊ?
നാമം തന്നെ ആയിരിക്കെണം എന്നില്ല; ഭൂത
ക്രിയാന്യൂനവും ആയിരിക്കാം.
ഉ-ം. 'അടിച്ചുതളി,' തീണ്ടിക്കുളി.'
211. 'അൻ' 'അം,' എന്നന്തമുള്ള നാമങ്ങൾ സമാസിതനാമത്തി
ൻ്റെ പൂൎവ്വപദമാകുന്നതു എങ്ങിനെ?
'ൻ,' 'ം,' എന്നവ ലോപിച്ചു പോകും.
ഉ-ം. 'മരക്കലം,' 'കാട്ടാളപതി.'
'ൻ' 'ം,' ലോപിക്കാത്തതും ഉണ്ടു.
ഉ-ം. 'ചേരമാൻനാടു,' 'മുഴംകാൽ,' 'കുളങ്ങര'.
212. 'അൻ,' 'ം,' ലോപിക്കും ദിക്കിൽ സ്വരം പരമായാൽ എ
ങ്ങിനെ?
അതിന്നു പലപ്രയോഗങ്ങൾ ഉണ്ടു.