താൾ:Ghoshayatra.djvu/44

കാന്താരത്തിലിറങ്ങിക്കനിവൊടു
ചെന്താമരമലർ പാപികൾതോറും
സന്തോഷേണജലക്രീഡാദിനി-
താന്താനന്ദമിന്നദശായാം
കുന്തീതനയന്മാർ മരുവീടിന
കാന്താരാന്തികഭുമൗ ചെന്നാർ.
ഗാന്ധാരി തനയന്മാർ പടയും
ഗാന്ധാരേശ്വരനംഗാധിപനും
വഞ്ചനശീലനതാകിന കുരുപതി
പുഞ്ചിരിപൂണ്ടു പറഞ്ഞാനുടനെ :-

“

നെഞ്ചിൽ നമുക്കൊരുപായം തോന്നി കിഞ്ചിൽ ഗുണമതിനുണ്ടാമിപ്പോൾ നഞ്ചുകലക്കണമിവിടത്തിൽ പല വഞ്ചോലകളിലെ വാരിയിലെല്ലാം. ചഞ്ചലമില്ലിഹപാണ്ഡുസുതന്മാ- രഞ്ചുജനങ്ങളുമതികുടിലന്മാർ. പാഞ്ചാലിയുമുടനംബുകുടിച്ചിഹ പഞ്ചതയെ പ്രാപിച്ചീടേണം. നഞ്ചുകലക്കുവി

”

നെന്നീവണ്ണം

പഞ്ചമഹാപാപി പറഞ്ഞപ്പോൾ
പാപികളൊരുവക രാജഭടന്മാർ
പാപികൾ തന്നിൽ മരുന്നു കലക്കി.
കോപികളായവർ കാട്ടിയതെല്ലാം
പാപത്തിന്നൊരു വഴിയായ് വരുമേ.