ഈ താളിന്റെ സാധുത തെളിയിക്കപ്പെട്ടതാണ്
XI
ഇത്ഥമുരച്ചിനൻ പൗരുഷശ്രീസത്മം
പുത്രാസ്യപത്മമൊന്നുറ്റുനോക്കി,
സാമ്പ്രതമായതിൽ പണ്ടേക്കാൾ തെല്ലൊരു
കൂമ്പലുമില്ല വിരിവുമില്ല ! 260
വേപഥൂരോമാഞ്ചബാഷ്പങ്ങൾ പൂണ്ടു താൻ
ഹാ ! പരമോതുമഗ്ഗൽഗദോക്തി
താമരത്തണ്ടിലേ നല്ലിലമേൽ വീണ
പേമഴയ്ക്കൊപ്പമായ്ത്തീർന്നുവല്ലോ !
അന്നിർവികാരമാം വിഗ്രഹമാർന്നവൻ
കർണ്ണനോ കർണ്ണവിഹീനൻതാനോ ?
കേട്ടതിലില്ലൊരു കൗതുകം മറ്റെന്തോ
കേൾപ്പതിലുൽക്കണ്ഠയുണ്ടുതാനും;
വല്ലതുമാവട്ടെ വന്നോരു വാർത്ത താൻ
ചൊല്ലുക, പീഠിക നിർത്തിയെന്നായ് 270
ഭാനുമാൻ ചിന്തിച്ചു തന്നുടെ ജിഹ്വയാം
വീണതൻ കമ്പികൾ വീണ്ടും മീട്ടി-
XII
അണ്ടർകോനർജ്ജുനതാതനും ഞാനുമാ-
യുണ്ടൊരു മത്സരം പണ്ടുപണ്ടേ.
