ഈ താളിന്റെ സാധുത തെളിയിക്കപ്പെട്ടതാണ്
നിത്യവുമോട്ടമൺപാത്രങ്ങളൂഴിയിൽ
പുത്തനായ് നാന്മുഖൻ തീർത്തിടുന്നു;
ഹന്ത ! തൻ ദണ്ഡത്താലായവ തച്ചുട-
ച്ചന്തകൻ മേൽക്കുമേലാർപ്പിടുന്നു.
ചത്ത ശവമതിൽ ചാർത്തിന പൂമാല-
യെത്രമേൽ ഘ്രാണിപ്പാൻ ശക്തമാകും ? 390
ലോകാന്തരസ്ഥൻ തന്നൈഹികവിഖ്യാതി-
യാകാശശൂന്യതാഹീഹീഹാസം !
അക്കീർത്തിതൻദ്യുതിയസ്ഥികൂടദ്യുതി-
അക്കീർത്തിനൃത്തം കബന്ധനൃത്തം !
ആർക്കു താൻ കാമ്യമല്ലത്യന്തദുർല്ലഭം
ദീർഘായുർലക്ഷ്മിതൻ തൃക്കടാക്ഷം ?
ഭിത്തിയാമായതിൽ യോഗവും ക്ഷേമവും
ചിത്രങ്ങളായ്ച്ചേർന്നുമിന്നിടുന്നു.
ഭങ്ഗിയിൽ നാലുപൂമർത്ഥപഥവുമ-
ശ്‌ശൃംഗാടകത്തിങ്കൽ മേളീക്കുന്നു. 400
വേരറ്റു വീണോരു വൃക്ഷത്തിലെന്തിന്നു
വാരിദം വീഴ്ത്തുന്നു ബാഷ്പപൂരം ?
