ഈ താളിന്റെ സാധുത തെളിയിക്കപ്പെട്ടതാണ്
രാജാവു താൻ കർണ്ണൻ തന്മിത്രം ഭാരത-
രാജാധിരാജകുമാരനെങ്കിൽ".
XXI
"ഇത്തരം വാക്കുരച്ചെന്നെയെടുത്തൊരു
ഭദ്രാസനത്തിലിരുത്തിത്തോഴർ
ഗങ്ഗാജലത്തിനാൽ കുംഭാഭിഷേകം ചെ-
യ്തങ്ഗാവനീശ്വരൻ ഞാനെന്നോതി 540
പൊന്മുടി മൗലിയിൽ ചാർത്തിയും താൻതന്നെ
വെണ്മണിച്ഛത്രം പിടിച്ചും വേഗാൽ
ചാമരം വീശിയും നിന്നു കൃപരോടാ-
രീമന്നനാ'രെന്നു ചോദ്യം ചെയ്താൻ.
അങ്ഗേശ വെല്ലുക !വെല്ലുക ! സങ്ഗ്രാമ-
രങ്ഗാലങ്കാരമണിത്തിടമ്പേ !
ഞാനിനിയങ്ങേയ്ക്കു സൂതൻ എന്നോതിനാൻ
ദീനൻ കൃപാചാര്യൻ സാധുവാദി.
നിശ്ചയത്തിന്നൊട്ടും താമസിച്ചീല; ത-
ന്നച്ഛനോടൊന്നുമേ ചോദിച്ചീല; 550
