ഇതി ശിശുപരിരക്ഷാ ധാത്രിചെയ്യേണ്ടതായ് വ-
ന്നതിനുപകരമായിദ്ധാത്രിയേ മൂലഭൂപൻ
അതികുശലത ചേരുമ്മട്ടു പാലിപ്പതില്ലേ?
പതിവു ഖലു കൃതജ്ഞർക്കീവിധം ധീവിശേഷം.
അരുണനയനദീപ്തിധ്വസ്തവൈര്യന്ധകാരൻ
ചരമഗതി കഴിഞ്ഞിട്ടാണ്ടു നൂറായവാറേ
കരുണവിശദമാക്കാൻ ബാലമാർത്താണ്ഡവർമ്മാ
ധരണിയിലെഴുനെള്ളിക്കാണ്മതോമൂലഭൂപൻ?
കലഹലഹരി സൈന്യച്ഛിദ്ര സാമുദ്ര കോലാ-
ഫലമൊടുവിലസീട്ടീബ്ഭാരതം വർഷമെല്ലാം
കിലുകിലെ വിറപൂണ്ടാരാണ്ടിലീ മൂലജക്ഷ്മാ-
വലരി പൂജനി, ലോകസ്വസ്ഥതയ്ക്കേകഹേതു.
ഹസിതസിതവിലാസ ജ്യോത്സനയിൽസ്നാതമാസ്യം
കിസലയചയലക്ഷ്മീചോരമാംചോരിവായും
ബിസസമസുകുമാരം തൽകുമാരാംഗവും ക-
ണ്ടസദൃശസുഖമാർന്നാൻ മാതുലൻ വീതമെന്യേ. (3)
പിതൃവിരഹിതനായിഗ്ഗോകുലത്തിങ്കൽ മുന്നം
യദുപതി ബലദേവോപേതനായ് വാണപോലെ
കുതുകമൊടു വസിച്ചാൻ മൂലജൻ സാഗ്രജന്മാ-
വതിലിതിനു വിശേഷം മാതുല പ്രീതിലാഭം.
തദനു നൃപതി പുക്കാനുത്രനക്ഷത്ര ജാതൻ
ത്രിദശപുരി, തൃതീയം മൂലജന്മാ വയസ്സും
(3)വീതമെന്യേ=പങ്കുവയ്ക്കാതെ
