-186-
നാഗാനന്ദം
പതീന്ദ്രനാപ്പരുഷമായൊരു കൊക്കുകൊണ്ടു
കൊത്തിത്തുലച്ചു തവചാരുശരീരമെന്നായ്
ഓർത്തോർത്തുഹന്ത പരമായവരങ്ങുമൂല
മത്യാർത്തിപൂണ്ടു മരുവീടുകയാണുനൂനം!! (൧0൮)
വൃദ്ധ--(കണ്ണീരോടുകൂടി)ഗരുഡന്റെ മുഖത്തിങ്കൽ പതിതനായിട്ടും അക്ഷതശരീരനായിട്ടുതന്നെ തന്റെ പുത്രന്റെ മുഖം കാൺമാൻ സംഗതിവന്ന ആ അമ്മ ഭാഗ്യവതിതന്നേ.
ശംഖ--അമ്മേ! കുമാരൻ സ്വസ്ഥനായിതീർന്നാൽ ഇത് വാസ്തവം തന്നെ.
ജീമൂതവാ--(വേദനനടിച്ചുകൊണ്ട്)ഹാഹാ! പരാർത്ഥസംപാദനത്തിലുള്ള അത്യൗത്സുക്യം കൊണ്ട് ഇത്രനേരവും അറിയാതെ കഴിഞ്ഞു.ഇപ്പോൾ ഇതാമർമ്മം ഭേദിക്കുന്ന വേദനകൾ എന്നെ ഉപദ്രവിപ്പാൻ തുടങ്ങിയിരിക്കുന്നു.(മരണാവസ്ഥ നടിക്കുന്നു).
ജീമൂതകേ--(സംഭ്രമത്തോടുകൂടി) ഉണ്ണി:മകനെ!നിയ്യെന്താണിങ്ങിനെ ചെയ്യുത്?
വൃദ്ധ-- അയ്യോ! എന്താണാവൊ ഇങ്ങിനെ പറയുന്നത്.(മാറത്തടിച്ചുകൊണ്ട്)രക്ഷിക്കണേ!രക്ഷിക്കണേ!ഇതാ എന്റെ പുത്രൻ അത്യാപത്തിൽ അകപ്പെടുന്നു.
മലയ--ആര്യപുത്ര!എന്നോടുകൂടാതെ പോകുന്നത് അങ്ങക്ക് യുക്തമല്ല.
ജീമൂ--(കൈകൂപ്പുവാൻ ഭാവിച്ചുകൊണ്ട്)ശംഖചൂഡ!എന്റെ കൈകൾ ഒന്ന് യോജിപ്പിക്കൂ!
ശംഖ--(അപ്രകാരം ചെയ്തുകൊണ്ട്)കഷ്ടം!ലോകം അനാഥമായി.
ജീമൂ--(കണ്ണ് കുറഞ്ഞൊന്ന് മിഴിച്ച് മാതാപിതാക്കന്മാരെ നോക്കിക്കൊണ്ട്)അഛ! അമ്മേ! ഇത് എന്റെ അന്ത്യമായ നമസ്കാരമാണു. എന്തെന്നാൽ.
ചൈതന്യം ഗതമായൊരീയവയവം ചെറ്റും ചലിക്കുന്നതി
ല്ലേതും കേൾക്കുവതില്ലഹോ ചെവികൾമേ സുവ്യക്തമാമുക്തിയും
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Apnarahman എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
