അന്തത്തിൽ ചുമൽ കൊണ്ടുല‍ഞ്ഞ കനകാബ്ജപ്പൂമ്പോടിപ്പൂരമാർ
ന്നിന്നെന്മാനസജാതമായ് ശുചിയതായിപ്പോൾതെയാറുള്ളതാം
തന്നിഷ്ടപ്പടി തീർത്ത പൊൻകുടമതിൽച്ചേർത്തോരുനീരാടിഞാൻ
നിന്നെപ്രീതിയൊടിന്നു ചെയ്യുവാനിതാവിദ്യാധരാദ്ധ്യക്ഷനായ് ||
ഇനിയും
കനകരുചിരചക്രം നല്ല നല്ക്കൊമ്പനാമീ
ക്കളരുചികരിവീരൻ, ശ്യമമാമശ്വരത്നം |
മലയവതിയിതെല്ലാം രത്നജാതങ്ങളങ്ങ
ക്കലിവൊടു മിഹതന്നേൻ കാണ്കഹേചക്രവർത്തിൻ || (൧൧൬)
അതിന്നും പുറമേ ഇതാ:
എല്ലാവരും ദർശിച്ചാലും ! മതംഗൻ തുടങ്ങിയുള്ള വിദ്യാധരപതികൾ ശരൽക്കാലത്തിലേ ചന്ദ്രനേപോലേ ധവളങ്ങളായ ചാമരങ്ങൾ കയ്യിലെടുത്തുകൊണ്ടും ഭക്തിയാൽ പൂർവ്വകായത്തെ നമിച്ചുകൊണ്ടും അഭിവാദ്യം ചെയ്കയും നമസ്കരിക്കുകയും ചെയ്യുന്നു. അതുകൊണ്ട പറയൂ ! ഇനി ഞാൻ അങ്ങക്ക എന്ത് ഇഷ്ടമാണ ചെയ്യേണ്ടത്.
ജീമൂതവാ--
ഇതിലും അധികമായി എന്തിഷ്ടമാണുള്ളത്.
രക്ഷിച്ചൂശംഖചൂഡന്നുടൽ ഗരുഡനിൽനി
ന്നിട്ടു, താർക്ഷ്യന്നടക്കം
ശിക്ഷിച്ചുണ്ടാക്കി, മുൻതിന്നൊരുഭുജഗവരർ
ക്കൊക്കെയുണ്ടാക്കിജീവൻ |
രക്ഷപ്പെട്ടൂ മരിക്കാതിഹ ഗുരുജനമെൻ
പ്രാണലാഭാൽ, സമക്ഷം :
വീക്ഷിച്ചുദേവി! ഞാനങ്ങയെ യിനിയുമിനി
ക്കർത്ഥ്യമെന്തർത്ഥമുള്ളൂ || (൧൧൭)
</poem>
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Sreejithkoiloth എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
