അദ്ധ്യക്ഷപ്രസംഗം
രുകൂട്ടരുടെ ഭാഷ അധമമെന്നുമുള്ള മൂഢവിശ്വാസം സാഹിത്യത്തിലും കടന്നുകൂടിയിട്ടുണ്ട്.'ട്വോ, ചേലപ്പുറം!"ഇന്നത്തെ പ്രഥമൻ 'ഷയായി ട്വോ!" എന്നു പറയുന്നതു ശ്രേഷ്ഠമാണെന്നും,കോയിയെറച്ചീം കടച്ചക്കേം കോട ബാത്തരച്ചുവച്ചാ ഇന്നു ഞമ്മക്കു കുശാലാ'എന്നു പറയുന്നത് അധമമാണെന്നും വല്ലവർക്കും തോന്നുന്നുണ്ടെങ്കിൽ,അത് അവരുടെ രക്തത്തിൽ കലർന്നിരിക്കുന്ന ജാതിപ്പകകൊണ്ടാണെന്നേ വിചാരിക്കേണണ്ടതുള്ളൂ.അഭ്യസ്തവിദ്യമ്മാർ,വിദ്യാവിഹീനന്മാർ ഇങ്ങനെ രണ്ടു ജാതികളേ കേരളത്തിലുള്ളൂ.ഈ ജാതി വ്യത്യാസം ഏതുവർഗ്ഗത്തിലും കാണാം.അതുകൊണ്ട് ചെറുകഥാകൃത്തുക്കൾ പാത്രങ്ങളുടെ സ്വഭാവവും സാഹചര്യവുമനുസരിച്ച് സംഭാഷണം പ്രയോഗിക്കുന്നതിൽ ഒട്ടും മടിക്കേണ്ട.അച്ചുനിർത്തുകാർ പിറുപിറുത്തുകൊള്ളട്ടെ.ചെറുകഥയോടൊപ്പം വികസിക്കേണ്ട മറ്റൊരു സാഹിത്യവിഭാഗമാണ് ആത്മപ്രകാശനസമർത്ഥങ്ങളായ ഉപന്യാസങ്ങൾ.വിദ്യാർത്ഥികൾ വാക്യരചന അഭ്യസിക്കുന്നതുപോലെയുള്ള ഉപന്യാസങ്ങളല്ല വിവക്ഷിക്കുന്നത്.'സത്യം','പുസ്തകപാരായണം','ഗ്രാമോദ്ധാരണം'എന്നിങ്ങനെയുള്ള ഓരോ വിഷയത്തെപ്പറ്റി ഏതാനും ഖണ്ഡികകൾ തെറ്റുകൂടാതെ എഴുതിയാൽ മാത്രം പോരാ.ഇംഗ്ലീഷിൽ essay എന്നു പറയുന്നതു ഗദ്യത്തിലുള്ള ഒരു ആത്മഗീതയാണ്.A lyric in prose. അതിനെ ആത്മോപന്യാസം എന്നു തർജ്ജമ ചെയ്യാം . വിഷയം എന്തായിരുന്നാലും എഴുതുന്ന ആളിന്റെ വ്യക്തിഗതമായ വിചാരങ്ങളും സ്വഭാവവിശേഷവും സ്വന്തമായ ഒരു ഗദ്യശൈലിയിൽ നിഴലിച്ചുകാണണം . അതാണു് ആത്മോപന്യാസം . വേങ്ങയിൽ നായനാർ അപ്പൻതമ്പുരാൻ തിരുമനസ്സുകൊണ്ട് , ഇ .വി. കൃഷ്ണപിള്ള , സഞ്ജയൻ , സി. അന്തപ്പായി, ഇങ്ങനെ ഏതാനും ചിലരുടെ ഉപന്യാസങ്ങൾക്കു മാത്രമേ മേല്പറഞ്ഞ ഗുണം കാണുന്നുള്ളൂ! ചാൾസ് ലാംബിനെപ്പോലെയുള്ള ഒരു ഉപന്യാ
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
