ഈ താളിന്റെ സാധുത തെളിയിക്കപ്പെട്ടതാണ്
"ഹൊ, എത്രയേറെ ബന്ധപ്പെട്ടാണ് പ്രകൃതിയിൽ എല്ലാം കിടക്കുന്നത്." ദീപു അത്ഭുതപ്പെട്ടു.
"മണി രണ്ടായി നിങ്ങൾക്ക് ചോറുണ്ണണ്ടേ?"
ചേച്ചി ഇടക്കു കയറി ചോദിച്ചു.
"ഞങ്ങൾ ചോറു കൊണ്ടുവന്നിട്ടുണ്ട് ചേച്ചീ." വിനു ചോറുപൊതി പൊക്കിക്കാണിച്ചു.
"ഓഹോ എല്ലാവരുടെയും കൈയിലും പൊതിയുണ്ടോ? എന്നാലിനി വർത്തമാനം ഊണുകഴിഞ്ഞുമതി. വാ, ഞാൻ നല്ല മുത്തങ്ങാ വെള്ളം തരാം കുടിക്കാൻ."
ചോറുപൊതിയുമായി നടക്കുമ്പോൾ വിനു വിളിച്ചു പറഞ്ഞു.
"ആഞ്ഞിലിക്കുരു, മുത്തങ്ങാവെള്ളം സിന്ദാബാദ്!"
"കാബേജ് വേണ്ട കപ്ലങ്ങാ മതി"
കൊച്ചുമുഹമ്മദും ഒരു മുദ്രാവാക്യം വിളിച്ചു. അതു കേട്ട് എല്ലാവരും ചിരിച്ചു.
