പൈക്കിരിത്തോട്ടം

പൈക്കിരിത്തോട്ടത്തിൽ പാത്തുമ്മ പെറ്റതും
കോലാഹലച്ചെറുക്കൻ തത്തിന്തകം

അവൻ പിറന്നപ്പോൾ നെല്ലൊന്നും കായ്ച്ചില്ല
മാവൊന്നും പൂത്തില്ലെന്നേ തത്തിന്തകം

ഉരുണ്ടപാറമേൽ പരന്നകല്ലിന്മേൽ
കിടന്നവനങ്ങോട്ടുറങ്ങുമ്പോൾ

പൊടിപ്പും തൊങ്ങലും വിരുതും കെട്ടിയ
കൊതുകു വന്നെന്നെ ഇറുക്കുന്നേ

ഇറുക്കല്ലേ കടിക്കല്ലേ
കൊതുകേ നീയെന്നെ ഇറുക്കല്ലേ

ഇറുക്കിയാലും കടിച്ചെന്നാലും
കടിച്ച ചോരഞാൻ കുടിച്ചേ മാറൂ