മധുകൈടഭവധവർണ്ണന

   ഓം നമശ്ചണ്ഡികായൈ  
  ശ്രീ ദേവീമാഹാത്മ്യം

    പ്രഥമചരിതം 
   പ്രഥമോऽദ്ധ്യായഃ

മാർക്കണ്ഡേയ ഉവാച 1 സാവർണ്ണിഃസൂര്യതനയോ യോ മനു കഥ്യതേഽഷ്ടമഃ നിശാമയ തദുത്പത്തിം വിസ്തരാദ്ഗതതോ മമ	2
മഹാമായാനുഭാവേന യഥാ മന്വന്തരാധിപഃ സ ബഭൂവ മഹാഭാഗഃ സാവർണ്ണിസ്തനയോ രവേഃ	3
സ്വരോചിഷേഽന്തരേപൂർവം ചൈത്രവംശസമുദ്ഭവഃ സുരഥോനാമരാജാഽഭൂത് സമസ്ത ക്ഷിതിമണ്ഡലേ	4
തസ്യ പാലയതഃ സമ്യക് പ്രജാഃ പുത്രനിവൌരസാൻ ബഭൂവുഃ ശത്രവോ ഭൂപാഃ കോലാവിദ്ധ്വംസിനസ്തഥാ	5
തസ്യ തൈരഭവദ്യുദ്ധ മതിപ്രബലദണ്ഡിനഃ ന്യൂനൈരപി സ തൈര്യുദ്ധേ കോലാവിദ്ധ്വംസിഭിർജ്ജിതഃ	6
തത സ്വപുരമായാതോ നിജദേശാധിപോഽഭവത് ആക്രാന്തഃ സ മഹാഭാഗ സ്തൈസ്തദാ പ്രബലാരിഭിഃ	7
അമാത്യൈർബ്ബലിഭിർദ്ദുഷ്ടൈർ ദ്ദുർബലസ്യ ദുരാത്മഭിഃ കോശോ ബലം ചാപഹൃതം തത്രാപി സ്വപുരേ സതഃ	8
തതോ മൃഗയാവ്യാജേന ഹൃതസ്വാമ്യഃ സ ഭൂപതിഃ ഏകാകീ ഹയമാരുഹ്യ ജഗാമ ഗഹനം വനം	9
സതത്രാശ്രമമദ്രാക്ഷീത് ദ്വിജവര്യസ്യ മേധസഃ പ്രശാന്തശ്വാപദാകീർണ്ണം മുനിശിഷ്യോപശോഭിതം.	10
തസ്ഥൌ കംചിത്സ കാലം ച മുനിനാ തേന സത്കൃതഃ ഇതശ്ചേതശ്ച വിചരം സ്തസ്മിൻ മുനിവരാശ്രമേ.	11
സോഽചിന്തയത് തദാ തത്ര മമത്വാകൃഷ്ടചേതനഃ മത്പൂർവ്വൈഃ പാലിതം പൂർവം മയാ ഹീനം പുരം ഹി തത്.	12
മദ്ഭൃത്യൈസ്തൈരസദ്വൃത്തൈഃ ധർമ്മതഃ പാല്യതേ ന വാ ന ജാനേ സ പ്രധാനോ മേ ശൂരഹസ്തീ സദാമദഃ	13
മമ വൈരിവശം യാതഃ കാൻ ഭോഗാനുപലപ്സ്യതേ യേ മമാനുഗതാ നിത്യം പ്രസാദധനഭോജനൈഃ	14
അനുവൃത്തിം ധ്രുവം തേഽദ്യ കുർവന്ത്യന്യമഹീഭൃതാം അസമ്യഗ് വ്യയശീലൈസ്തൈഃ കുർവ്വദ്ഭിഃ സതതം വ്യയം	15
സഞ്ചിതഃ സോഽതിദുഃഖേന ക്ഷയം കോശോ ഗമിഷ്യതി ഏതച്ചാന്യച്ച സതതം ചിന്തയാമാസ പാർത്ഥിവഃ	16
തത്ര വിപ്രാശ്രമാഭ്യാശേ വൈശ്യമേകം ദദർശ സഃ സ പൃഷ്ടസ്തേന കസ്ത്വം ഭോ ഹേതുശ്ചാഗമനേഽത്ര കഃ	17
സശോക ഇവ കസ്മാത് ത്വം ദുർമ്മനാ ഇവ ലക്ഷ്യസേ ഇത്യാകർണ്ണ്യാ വചസ്തസ്യ ഭൂപതേഃ പ്രണയോദിതം	18
പ്രത്യുവാച സ തം വൈശ്യഃ പ്രശ്രയാവനതോ നൃപം	19
വൈശ്യ ഉവാച 20 സമാധിർന്നാമ വൈശ്യോഽഹ മുത്പന്നോ ധനിനാം കുലേ	21
പുത്രദാരൈർന്നിരസ്തശ്ച ധനലോഭാദസാധുഭിഃ വിഹീനഃ സ്വജനൈർദ്ദാരൈഃ പുത്രൈരാദായ മേ ധനം.	22
വനമഭ്യാഗതോ ദുഃഖീ നിരസ്തശ്ചാപ്തബന്ധുഭിഃ സോഽഹം ന വേദ്മി പുത്രാണാം കുശലാകുശലാത്മികാം	23
പ്രവൃത്തിം സ്വജനാനഞ്ച ദാരാണാം ചാത്ര സംസ്ഥിതഃ കിം നു തേഷാം ഗ്രഹേക്ഷേമ മക്ഷേമം കിം നു സാംപ്രതം.	24
കഥം തേ കിം നു സദ് വൃത്താ ദുർവൃത്താഃ കിം നു മേ സുതാഃ	25