മഹാഭാരതം മൂലം/ആദിപർവം/അധ്യായം208
| ←അധ്യായം207 | മഹാഭാരതം മൂലം/ആദിപർവം രചന: അധ്യായം 208 |
അധ്യായം209→ |
1 [വൈ]
തതഃ സമുദ്രേ തീർഥാനി ദക്ഷിണേ ഭരതർഷഭഃ
അഭ്യഗച്ഛത് സുപുണ്യാനി ശോഭിതാനി തപസ്വിഭിഃ
2 വർജയന്തി സ്മ തീർഥാനി പഞ്ച തത്ര തു താപസാഃ
ആചീർണാനി തു യാന്യ് ആസൻ പുരസ്താത് തു തപസ്വിഭിഃ
3 അഗസ്ത്യതീർഥം സൗഭദ്രം പൗലോമം ച സുപാവനം
കാരന്ധമം പ്രസന്നം ച ഹയമേധ ഫലം ച യത്
ഭാരദ്വാജസ്യ തീർഥം ച പാപപ്രശമനം മഹത്
4 വിവിക്താന്യ് ഉപലക്ഷ്യാഥ താനി തീർഥാനി പാണ്ഡവഃ
ദൃഷ്ട്വാ ച വർജ്യമാനാനി മുനിഭിർ ധർമബുദ്ധിഭിഃ
5 തപസ്വിനസ് തതോ ഽപൃച്ഛത് പ്രാജ്ഞലിഃ കുരുനന്ദനഃ
തീർഥാനീമാനി വർജ്യന്തേ കിമർഥം ബ്രഹ്മവാദിഭിഃ
6 [താപസാഹ്]
ഗ്രാഹാഃ പഞ്ച വസന്ത്യ് ഏഷു ഹരന്തി ച തപോധനാൻ
അത ഏതാനി വർജ്യന്തേ തീർഥാനി കുരുനന്ദന
7 [വൈ]
തേഷാം ശ്രുത്വാ മഹാബാഹുർ വാര്യമാണസ് തപോധനൈഃ
ജഗാമ താനി തീർഥാനി ദ്രഷ്ടും പുരുഷസത്തമഃ
8 തതഃ സൗഭദ്രം ആസാദ്യ മഹർഷേസ് തീർഥം ഉത്തമം
വിഗാഹ്യ തരസാ ശൂരഃ സ്നാനം ചക്രേ പരന്തപഃ
9 അഥ തം പുരുഷവ്യാഘ്രം അന്തർജലചരോ മഹാൻ
നിജഗ്രാഹ ജലേ ഗ്രാഹഃ കുന്തീപുത്രം ധനഞ്ജയം
10 സ തം ആദായ കൗന്തേയോ വിസ്ഫുരന്തം ജലേ ചരം
ഉദതിഷ്ഠൻ മഹാബാഹുർ ബലേന ബലിനാം വരഃ
11 ഉത്കൃഷ്ട ഏവ തു ഗ്രാഹഃ സോ ഽർജുനേന യശസ്വിനാ
ബഭൂവ നാരീ കല്യാണീ സർവാഭരണഭൂഷിതാ
ദീപ്യമാനാ ശ്രിയാ രാജൻ ദിവ്യരൂപാ മനോരമാ
12 തദ് അദ്ഭുതം മഹദ് ദൃഷ്ട്വാ കുന്തീപുത്രോ ധനഞ്ജയഃ
താം സ്ത്രിയം പരമപ്രീത ഇദം വചനം അബ്രവീത്
13 കാ വൈ ത്വം അസി കല്യാണി കുതോ വാസി ജലേ ചരീ
കിമർഥം ച മഹത് പാപം ഇദം കൃതവതീ പുരാ
14 [നാരീ]
അപ്സരാസ്മി മഹാബാഹോ ദേവാരണ്യ വിചാരിണീ
ഇഷ്ടാ ധനപതേർ നിത്യം വർഗാ നാമ മഹാബല
15 മമ സഖ്യശ് ചതസ്രോ ഽന്യാഃ സർവാഃ കാമഗമാഃ ശുഭാഃ
താഭിഃ സാർധം പ്രയാതാസ്മി ലോകപാല നിവേശനം
16 തതഃ പശ്യാമഹേ സർവാ ബ്രാഹ്മണം സംശിതവ്രതം
രൂപവന്തം അധീയാനം ഏകം ഏകാന്തചാരിണം
17 തസ്യ വൈ തപസാ രാജംസ് തദ് വനം തേജസാവൃതം
ആദിത്യ ഇവ തം ദേശം കൃത്സ്നം സ വ്യവഭാസയത്
18 തസ്യ ദൃഷ്ട്വാ തപസ് താദൃഗ്രൂപം ചാദ്ഭുതദർശനം
അവതീർണാഃ സ്മ തം ദേശം തപോവിഘ്നചികീർഷയാ
19 അഹം ച സൗരഭേയീ ച സമീചീ ബുദ്ബുദാ ലതാ
യൗഗപദ്യേന തം വിപ്രം അഭ്യഗച്ഛാമ ഭാരത
20 ഗായന്ത്യോ വൈ ഹസന്ത്യശ് ച ലോഭയന്ത്യശ് ച തം ദ്വിജം
സ ച നാസ്മാസു കൃതവാൻ മനോ വീര കഥം ചന
നാകമ്പത മഹാതേജാഃ സ്ഥിതസ് തപസി നിർമലേ
21 സോ ഽശപത് കുപിതോ ഽസ്മാംസ് തു ബ്രാഹ്മണഃ ക്ഷത്രിയർഷഭ
ഗ്രാഹഭൂതാ ജലേ യൂയം ചരിഷ്യധ്വം ശതം സമാഃ