മഹാഭാരതം മൂലം/ആദിപർവം/അധ്യായം40
| ←അധ്യായം39 | മഹാഭാരതം മൂലം/ആദിപർവം രചന: അധ്യായം 40 |
അധ്യായം41→ |
1 [സ്]
തം തഥാ മന്ത്രിണോ ദൃഷ്ട്വാ ഭോഗേന പരിവേഷ്ടിതം
വിവർണവദനാഃ സർവേ രുരുദുർ ഭൃശദുഃഖിതാഃ
2 തം തു നാദം തതഃ ശ്രുത്വാ മന്ത്രിണസ് തേ പ്രദുദ്രുവുഃ
അപശ്യംശ് ചൈവ തേ യാന്തം ആകാശേ നാഗം അദ്ഭുതം
3 സീമന്തം ഇവ കുർവാണം നഭസഃ പദ്മവർചസം
തക്ഷകം പന്നഗശ്രേഷ്ഠം ഭൃശം ശോകപരായണാഃ
4 തതസ് തു തേ തദ്ഗൃഹം അഗ്നിനാ വൃതം; പ്രദീപ്യമാനം വിഷജേന ഭോഗിനഃ
ഭയാത് പരിത്യജ്യ ദിശഃ പ്രപേദിരേ; പപാത തച് ചാശനി താഡിതം യഥാ
5 തതോ നൃപേ തക്ഷക തേജസാ ഹതേ; പ്രയുജ്യ സർവാഃ പരലോകസത്ക്രിയാഃ
ശുചിർ ദ്വിജോ രാജപുരോഹിതസ് തദാ; തഥൈവ തേ തസ്യ നൃപസ്യ മന്ത്രിണഃ
6 നൃപം ശിശും തസ്യ സുതം പ്രചക്രിരേ; സമേത്യ സർവേ പുരവാസിനോ ജനാഃ
നൃപം യം ആഹുസ് തം അമിത്രഘാതിനം; കുരുപ്രവീരം ജനമേജയം ജനാഃ
7 സ ബാല ഏവാര്യ മതിർ നൃപോത്തമഃ; സഹൈവ തൈർ മന്ത്രിപുരോഹിതൈസ് തദാ
ശശാസ രാജ്യം കുരുപുംഗവാഗ്രജോ; യഥാസ്യ വീരഃ പ്രപിതാമഹസ് തഥാ
8 തതസ് തു രാജാനം അമിത്രതാപനം; സമീക്ഷ്യ തേ തസ്യ നൃപസ്യ മന്ത്രിണഃ
സുവർണവർമാണം ഉപേത്യ കാശിപം; വപുഷ്ടമാർഥം വരയാം പ്രചക്രമുഃ
9 തതഃ സ രാജാ പ്രദദൗ വപുഷ്ടമാം; കുരുപ്രവീരായ പരീക്ഷ്യ ധർമതഃ
സ ചാപി താം പ്രാപ്യ മുദാ യുതോ ഽഭവൻ; ന ചാന്യനാരീഷു മനോ ദധേ ക്വ ചിത്
10 സരഃസു ഫുല്ലേഷു വനേഷു ചൈവ ഹ; പ്രസന്നചേതാ വിജഹാര വീര്യവാൻ
തഥാ സ രാജന്യ വരോ വിജഹ്രിവാൻ; യഥോർവശീം പ്രാപ്യ പുരാ പുരൂരവാഃ
11 വപുഷ്ടമാ ചാപി വരം പതിം തദാ; പ്രതീതരൂപം സമവാപ്യ ഭൂമിപം
ഭാവേന രാമാ രമയാം ബഭൂവ വൈ; വിഹാരകാലേഷ്വ് അവരോധ സുന്ദരീ