മഹാഭാരതം മൂലം/ഉദ്യോഗപർവം/അധ്യായം69
| ←അധ്യായം68 | മഹാഭാരതം മൂലം/ഉദ്യോഗപർവം രചന: അധ്യായം69 |
അധ്യായം70→ |
1 [ധൃ]
ചക്ഷുഷ്മതാം വൈ സ്പൃഹയാമി സഞ്ജയ; ദ്രക്ഷ്യന്തി യേ വാസുദേവം സമീപേ
വിഭ്രാജമാനം വപുഷാ പരേണ; പ്രകാശയന്തം പർദിശോ ദിശശ് ച
2 ഈരയന്തം ഭാരതീം ഭാരതാനാം; അഭ്യർചനീയാം ശങ്കരീം സൃഞ്ജയാനാം
ബുഭൂഷദ്ഭിർ ഗ്രഹണീയാം അനിന്ദ്യാം; പരാസൂനാം അഗ്രഹണീയ രൂപാം
3 സമുദ്യന്തം സാത്വതം ഏകവീരം; പ്രണേതാരം ഋഷഭം യാദവാനാം
നിഹന്താരം ക്ഷോഭണം ശാത്രവാണാം; മുഷ്ണന്തം ച ദ്വിഷതാം വൈ യശാംസി
4 ദ്രഷ്ടാരോ ഹി കുരവസ് തം സമേതാ; മഹാത്മാനം ശത്രുഹണം വരേണ്യം
ബ്രുവന്തം വാചം അനൃശംസ രൂപാം; വൃഷ്ണിശ്രേഷ്ഠം മോഹയന്തം മദീയാൻ
5 ഋഷിം സനാതനതമം വിപശ്ചിതം; വാചഃ സമുദ്രം കലശം യതീനാം
അരിഷ്ടനേമിം ഗരുഡം സുപർണം; പതിം പ്രജാനാം ഭുവനസ്യ ധാമ
6 സഹസ്രശീർഷം പുരുഷം പുരാണം; അനാദിമധ്യാന്തം അനന്ത കീർതിം
ശുക്രസ്യ ധാതാരം അജം ജനിത്രം; പരം പരേഭ്യഃ ശരണം പ്രപദ്യേ
7 ത്രൈലോക്യനിർമാണ കരം ജനിത്രം; ദേവാസുരാണാം അഥ നാഗരക്ഷസാം
നരാധിപാനാം വിദുഷാം പ്രധാനം; ഇന്ദ്രാനുജം തം ശരണം പ്രപദ്യേ