മഹാഭാരതം മൂലം/ഉദ്യോഗപർവം/അധ്യായം99
| ←അധ്യായം98 | മഹാഭാരതം മൂലം/ഉദ്യോഗപർവം രചന: അധ്യായം99 |
അധ്യായം100→ |
1 [ൻ]
അയം ലോകഃ സുപർണാനാം പക്ഷിണാം പന്നഗാശിനാം
വിക്രമേ ഗമനേ ഭാരേ നൈഷാം അസ്തി പരിശ്രമഃ
2 വൈനതേയ സുതൈഃ സൂത ഷഡ്ഭിസ് തതം ഇദം കുലം
സുമുഖേന സുനാമ്നാ ച സുനേത്രേണ സുവർചസാ
3 സുരൂപ പക്ഷിരാജേന സുബലേന ച മാതലേ
വർഥിതാനി പ്രസൂത്യാ വൈ വിനതാ കുലകർതൃഭിഃ
4 പക്ഷിരാജാഭിജാത്യാനാം സഹസ്രാണി ശതാനി ച
കശ്യപസ്യ തതോ വംശേ ജാതൈർ ഭൂതിവിവർധനൈഃ
5 സർവേ ഹ്യ് ഏതേ ശ്രിയാ യുക്താഃ സർവേ ശ്രീവത്സ ലക്ഷണാഃ
സർവേ ശ്രിയം അഭീപ്സന്തോ ധാരയന്തി ബലാന്യ് ഉത
6 കർമണാ ക്ഷത്രിയാശ് ചൈതേ നിർഘൃണാ ഭോഗി ഭോജിനഃ
ജ്ഞാതിസങ്ക്ഷയ കർതൃത്വാദ് ബ്രാഹ്മണ്യം ന ലഭന്തി വൈ
7 നാമാനി ചൈഷാം വക്ഷ്യാമി യഥാ പ്രാധാന്യതഃ ശൃണു
മാതലേ ശ്ലാഘ്യം ഏതദ് ധി കുലം വിഷ്ണുപരിഗ്രഹം
8 ദൈവതം വിഷ്ണുർ ഏതേഷാം വിഷ്ണുർ ഏവ പരായണം
ഹൃദി ചൈഷാം സദാ വിഷ്ണുർ വിഷ്ണുർ ഏവ ഗതിഃ സദാ
9 സുവർണചൂഡോ നാഗാശീ ദാരുണശ് ചണ്ഡതുണ്ഡകഃ
അനലശ് ചാനിലശ് ചൈവ വിശാലാക്ഷോ ഽഥ കുണ്ഡലീ
10 കാശ്യപിർ ധ്വജവിഷ്കംഭോ വൈനതേയാഥ വാമനഃ
വാതവേഗോ ദിശാ ചക്ഷുർ നിമേഷോ നിമിഷസ് തഥാ
11 ത്രിവാരഃ സപ്ത വാരശ് ച വാൽമീകിർ ദ്വീപകസ് തഥാ
ദൈത്യ ദ്വീപഃ സരിദ് ദ്വീപഃ സാരസഃ പദ്മകേസരഃ
12 സുമുഖഃ സുഖകേതുശ് ച ചിത്രബർഹസ് തഥാനഘഃ
മേഘകൃത് കുമുദോ ദക്ഷഃ സർപാന്തഃ സോമഭോജനഃ
13 ഗുരുഭാരഃ കപോതശ് ച സൂര്യനേത്രശ് ചിരാന്തകഃ
വിഷ്ണുധന്വാ കുമാരശ് ച പരിബർഹോ ഹരിസ് തഥാ
14 സുസ്വരോ മധുപർകശ് ച ഹേമവർണസ് തഥൈവ ച
മലയോ മാതരിശ്വാ ച നിശാകരദിവാകരൗ
15 ഏതേ പ്രദേശ മാത്രേണ മയോക്താ ഗരുഡാത്മജാഃ
പ്രാധാന്യതോ ഽഥ യശസാ കീർതിതാഃ പ്രാണതശ് ച തേ
16 യദ്യ് അത്ര ന രുചിഃ കാ ചിദ് ഏഹി ഗച്ഛാവ മാതലേ
തം നയിഷ്യാമി ദേശം ത്വാം രുചിം യത്രോപലപ്സ്യസേ