മഹാഭാരതം മൂലം/മൗസലപർവം/അധ്യായം3
| ←അധ്യായം2 | മഹാഭാരതം മൂലം/മൗസലപർവം രചന: അധ്യായം3 |
അധ്യായം4→ |
1 [വൈ]
ഏവം പ്രയതമാനാനാം വൃഷ്ണീനാം അന്ധകൈഃ സഹ
കാലോ ഗൃഹാണി സാർവേണാം പരിചക്രാമ നിത്യശഃ
2 കരാലോ വികടോ മുണ്ഡഃ പുരുഷഃ കൃഷ്ണപിംഗലഃ
ഗൃഹാണ്യ് അവേക്ഷ്യ വൃഷ്ണീനാം നാദൃശ്യത പുനഃ ക്വ ചിത്
3 ഉത്പേദിരേ മഹാവാതാ ദാരുണാശ് ചാ ദിനേ ദിനേ
വൃഷ്ണ്യന്ധകവിനാശായ ബഹവോ രോമഹർഷണാഃ
4 വിവൃദ്ധമൂഷകാ രഥ്യാ വിഭിന്നമണികാസ് തഥാ
ചീചീ കൂചീതി വാശ്യന്ത്യഃ സാരികാ വൃഷ്ണിവേശ്മസു
നോപശാമ്യതി ശബ്ദശ് ച സ ദിവാരാത്രം ഏവ ഹി
5 അനുകുർവന്ന് ഉലൂകാനാം സാരസാ വിരുതം തഥാ
അജാഃ ശിവാനാം ച രുതം അന്വകുർവത ഭാരത
6 പാണ്ഡുരാ രക്തപാദാശ് ച വിഹഗാഃ കാലചോദിതാഃ
വൃഷ്ണ്യന്ധകാനാം ഗേഹേഷു കപോതാ വ്യചരംസ് തദാ
7 വ്യജായന്ത ഖരാ ഗോഷു കരഭാശ്വതരീഷു ച
ശുനീഷ്വ് അപി ബിഡാലാശ് ച മൂഷകാ നകുലീഷു ച
8 നാപത്രപന്ത പാപാനി കുർവന്തോ വൃഷ്ണയസ് തദാ
പ്രാദ്വിഷൻ ബ്രാഹ്മണാംശ് ചാപി പിതൄൻ ദേവാംസ് തഥൈവ ച
9 ഗുരൂംശ് ചാപ്യ് അവമന്യന്ത ന തു രാമ ജനാർദനൗ
പത്ന്യഃ പതീൻ വ്യുച്ചരന്ത പത്നീശ് ച പതയസ് തഥാ
10 വിഭാവസുഃ പ്രജ്വലിതോ വാമം വിപരിവർതതേ
നീലലോഹിത മാഞ്ജിഷ്ഠാ വിസൃജന്ന് അർചിഷഃ പൃഥക്
11 ഉദയാസ്ത മനേ നിത്യം പുര്യാം തസ്യാം ദിവാകരഃ
വ്യദൃശ്യതാസകൃത് പുംഭിഃ കബന്ധൈഃ പരിവാരിതഃ
12 മഹാനസേഷു സിദ്ധേ ഽന്നേ സംസ്കൃതേ ഽതീവ ഭാരത
ആഹാര്യമാണേ കൃമയോ വ്യദൃശ്യന്ത നരാധിപ
13 പുണ്യാഹേ വാച്യമാനേ ച ജപത്സു ച മഹാത്മസു
അഭിധാവന്തഃ ശ്രൂയന്തേ ന ചാദൃശ്യത കശ് ചന
14 പരസ്പരം ച നാക്ഷത്രം ഹന്യമാനം പുനഃ പുനഃ
ഗ്രഹൈർ അപശ്യൻ സാർവേ തേ നാത്മാനസ് തു കഥം ചന
15 നദന്തം പാഞ്ചജന്യം ച വൃഷ്ണ്യന്ധകനിവേശനേ
സമന്തത് പ്രത്യവാശ്യന്ത രാസഭാ ദാരുണസ്വരാഃ
16 ഏവം പശ്യൻ ഹൃഷീകേശഃ സമ്പ്രാപ്തം കാലപര്യയം
ത്രയോദശ്യാം അമാവാസ്യാം താൻ ദൃഷ്ട്വാ പ്രാബ്രവീദ് ഇദം
17 ചതുർദശീ പഞ്ചദശീ കൃതേയം രാഹുണാ പുനഃ
തദാ ച ഭരതേ യുദ്ധേ പ്രാപ്താ ചാദ്യ ക്ഷയായ നഃ
18 വിമൃശന്ന് ഏവ കാലം തം പരിചിന്ത്യ ജനാർദനഃ
മേനേ പ്രാപ്തം സ ഷട്ത്രിംശം വർവം വൈ കേശി സൂദനഃ
19 പുത്രശോകാഭിസന്തപ്താ ഗാന്ധാരീ ഹതബാന്ധവാ
യദ് അനുവ്യാജഹാരാർതാ തദ് ഇദം സമുപാഗതം
20 ഇദം ച തദ് അനുപ്രാപ്തം അബ്രവീദ് യദ് യുധിഷ്ഠിരഃ
പുരാ വ്യൂഠേഷ്വ് അനീകേഷു ദൃഷ്ട്വോത്പാതാൻ സുദാരുണാൻ
21 ഇത്യ് ഉക്ത്വാ വാസുദേവസ് തു ചികീർഷൻ സത്യം ഏവ തത്
ആജ്ഞാപയാം ആസ തദാ തീർഥയാത്രം അരിന്ദമ
22 അഘോഷയന്ത പുരുഷാസ് തത്ര കേശവ ശാസനാത്
തീർഥയാത്രാ സമുദ്രേ വഃ കാര്യേതി പുരുഷർഷഭാഃ