മഹാഭാരതം മൂലം/സഭാപർവം/അധ്യായം47
| ←അധ്യായം46 | മഹാഭാരതം മൂലം/സഭാപർവം രചന: അധ്യായം47 |
അധ്യായം48→ |
1 [ദ്]
യൻ മയാ പാണ്ഡവാനാം തു ദൃഷ്ടം തച് ഛൃണു ഭാരത
ആഹൃതം ഭൂമിപാലൈർ ഹി വസു മുഖ്യം തതസ് തതഃ
2 ന വിന്ദേ ദൃഢം ആത്മാമം ദൃഷ്ട്വാഹം തദ് അരേർ ധനം
ഫലതോ ഭൂമിതോ വാപി പ്രതിപദ്യസ്വ ഭാരത
3 ഐഡാംശ് ചൈലാൻ വാർഷദംശാഞ് ജാതരൂപപരിഷ്കൃതാം
പ്രാവാരാജിന മുഖ്യാംശ് ച കംബോജഃ പ്രദദൗ വസു
4 അശ്വാംസ് തിത്തിരി കൽമാഷാംസ് ത്രിശതം ശുകനാസികാൻ
ഉഷ്ട്രവാമീസ് ത്രിശതം ച പുഷ്ടാഃ പീലു ശമീംഗുദൈഃ
5 ഗോവാസനാ ബ്രാഹ്മണാശ് ച ദാസമീയാശ് ച സർവശഃ
പ്രീത്യർഥം തേ മഹാഭാഗാ ധർമരാജ്ഞോ മഹാത്മനഃ
ത്രിഖർവം ബലിം ആദായ ദ്വാരി തിഷ്ഠന്തി വാരിതാഃ
6 കമണ്ഡലൂൻ ഉപാദായ ജാതരൂപമയാഞ് ശുഭാൻ
ഏവം ബലിം പ്രദായാഥ പ്രവേശം ലേഭിരേ തതഃ
7 ശതം ദാസീ സഹസ്രാണാം കാർപാസിക നിവാസിനാം
ശ്യാമാസ് തന്വ്യോ ദീർഘകേശ്യോ ഹേമാഭരണ ഭൂഷിതാഃ
ശൂദ്രാ വിപ്രോത്തമാർഹാണി രാങ്കവാന്യ് അജിനാനി ച
8 ബലിം ച കൃത്സ്നം ആദായ ഭരു കച്ഛ നിവാസിനഃ
ഉപനിന്യുർ മഹാരാജ ഹയാൻ ഗാന്ധാരദേശജാൻ
9 ഇന്ദ്ര കൃഷ്ടൈർ വർതയന്തി ധാന്യൈർ നദീ മുഖൈശ് ച യേ
സമുദ്രനിഷ്കുടേ ജാതാഃ പരിസിന്ദു ച മാനവാഃ
10 തേ വൈരാമാഃ പാരദാശ് ച വംഗാശ് ച കിതവൈഃ സഹ
വിവിധം ബലിം ആദായ രത്നാനി വിവിധാനി ച
11 അജാവികം ഗോഹിരണ്യം ഖരോഷ്ട്രം ഫലജം മധു
കംബലാൻ വിവിധാംശ് ചൈവ ദ്വാരി തിഷ്ഠന്തി വാരിതാഃ
12 പ്രാഗ്ജ്യോതിഷാധിപഃ ശൂരോ മ്ലേച്ഛാനാം അധിപോ ബലീ
യനവൈഃ സഹിതോ രാജാ ഭഗദത്തോ മഹാരഥഃ
13 ആജാനേയാൻ ഹയാഞ് ശീഘ്രാൻ ആദായാനില രംഹസഃ
ബലിം ച കൃത്സ്നം ആദായ ദ്വാരി തിഷ്ഠതി വാരിതഃ
14 അശ്മസാരമയം ഭാണ്ഡം ശുദ്ധദന്തത്സരൂൻ അസീൻ
പ്രാഗ്ജ്യോതിഷോ ഽഥ തദ് ദത്ത്വാ ഭഗദത്തോ ഽവ്രജത് തദാ
15 ദ്വ്യക്ഷാംസ് ത്ര്യക്ഷാംൽ ലലാടാക്ഷാൻ നാനാദിഗ്ഭ്യഃ സമാഗതാൻ
ഔഷ്ണീഷാൻ അനിവാസാംശ് ച ബാഹുകാൻ പുരുഷാദകാൻ
16 ഏകപാദാംശ് ച തത്രാഹം അപശ്യം ദ്വാരി വാരിതാൻ
ബല്യർഥം ദദതസ് തസ്മൈ ഹിരണ്യം രജതം ബഹു
17 ഇന്ദ്ര ഗോപ കവർണാഭാഞ് ശുകവർണാൻ മനോജവാൻ
തഥൈവേന്ദ്രായുധ നിഭാൻ സന്ധ്യാഭ്രസദൃശാൻ അപി
18 അനേകവർണാൻ ആരണ്യാൻ ഗൃഹീത്വാശ്വാൻ മനോജവാൻ
ജാതരൂപം അനർഘ്യം ച ദദുസ് തസ്യൈക പാദകാഃ
19 ചീനാൻ ഹൂനാഞ് ശകാൻ ഓഡൂൻ പർവതാന്തരവാസിനഃ
വാർഷ്ണേയാൻ ഹാരഹൂണാംശ് ച കൃഷ്ണാൻ ഹൈമവതാംസ് തഥാ
20 ന പാരയാമ്യ് അഭിഗതാൻ വിവിധാൻ ദ്വാരി വാരിതാൻ
ബല്യർഥം ദദതസ് തസ്യ നാനാരൂപാൻ അനേകശഃ
21 കൃഷ്ണ ഗ്രീവാൻ മഹാകായാൻ രാസഭാഞ് ശതപാതിനഃ
ആഹാർഷുർ ദശസാഹസ്രാൻ വിനീതാൻ ദിക്ഷു വിശ്രുതാൻ
22 പ്രമാണ രാഗസ്പർശാഢ്യം ബാഹ്ലീ ചീന സമുദ്ഭവം
ഔർണം ച രാങ്കവം ചൈവ കീടജം പട്ടജം തഥാ
23 കുട്ടീ കൃതം തഥൈവാന്യത് കമലാഭം സഹസ്രശഃ
ശ്ലക്ഷ്ണം വസ്ത്രം അകാർപാസം ആവികം മൃദു ചാജിനം
24 നിശിതാംശ് ചൈവ ദീർഘാസീൻ ഋഷ്ടിശക്തിപരശ്വധാൻ
അപരാന്ത സമുദ്ഭൂതാംസ് തഥൈവ പരശൂഞ് ശിതാൻ
25 രസാൻ ഗന്ധാംശ് ച വിവിധാൻ രത്നാനി ച സഹസ്രശഃ
ബലിം ച കൃത്സ്നം ആദായ ദ്വാരി തിഷ്ഠന്തി വാരിതാഃ
26 ശകാസ് തുഖാരാഃ കങ്കാശ് ച രോമശാഃ ശൃംഗിണോ നരാഃ
മഹാഗമാൻ ദൂരഗമാൻ ഗണിതാൻ അർബുദം ഹയാൻ
27 കോടിശശ് ചൈവ ബഹുശഃ സുവർണം പദ്മസംമിതം
ബലിം ആദായ വിവിധം ദ്വാരി തിഷ്ഠന്തി വാരിതാഃ
28 ആസനാനി മഹാർഹാണി യാനാനി ശയനാനി ച
മണികാഞ്ചനചിത്രാണി ഗജദന്ത മയാനി ച
29 രഥാംശ് ച വിവിധാകാരാഞ് ജാതരൂപപരിഷ്കൃതാൻ
ഹയൈർ വിനീതൈഃ സമ്പന്നാൻ വൈയാഘ്രപരിവാരണാൻ
30 വിചിത്രാംശ് ച പരിസ്തോമാൻ രത്നാനി ച സഹസ്രശഃ
നാരാചാൻ അർധനാരാചാഞ് ശസ്ത്രാണി വിവിധാനി ച
31 ഏതദ് ദത്ത്വാ മഹദ് ദ്രവ്യം പൂർവദേശാധിപോ നൃപഃ
പ്രവിഷ്ടോ യജ്ഞസദനം പാണ്ഡവസ്യ മഹാത്മനഃ