മഹാഭാരതം മൂലം/സഭാപർവം/അധ്യായം53

മഹാഭാരതം മൂലം/സഭാപർവം
രചന:വ്യാസൻ
അധ്യായം53

1 [ഷ്]
     ഉപസ്തീർണാ സഭാ രാജൻ രന്തും ചൈതേ കൃതക്ഷണാഃ
     അക്ഷാൻ ഉപ്ത്വാ ദേവനസ്യ സമയോ ഽസ്തു യുധിഷ്ഠിര
2 [യ്]
     നികൃതിർ ദേവനം പാപം ന ക്ഷാത്രോ ഽത്ര പരാക്രമഃ
     ന ച നീതിർ ധ്രുവാ രാജൻ കിം ത്വം ദ്യൂതം പ്രശംസസി
3 ന ഹി മാനം പ്രശംസന്തി നികൃതൗ കിതവസ്യ ഹ
     ശകുനേ മൈവ നോ ജൈഷീർ അമാർഗേണ നൃശംസവത്
4 [ഷ്]
     യോ ഽന്വേതി സംഖ്യാം നികൃതൗ വിധിജ്ഞശ്; ചേഷ്ടാസ്വ് അഖിന്നഃ കിതവോ ഽക്ഷജാസു
     മഹാമതിർ യശ് ച ജാനാതി ദ്യൂതം; സ വൈ സർവം സഹതേ പ്രക്രിയാസു
5 അക്ഷഗ്ലഹഃ സോ ഽഭിഭവേത് പരം; നസ് തേനൈവ കാലോ ഭവതീദം ആത്ഥ
     ദീവ്യാമഹേ പാർഥിവ മാ വിശങ്കാം; കുരുഷ്വ പാണം ച ചിരം ച മാ കൃഥാഃ
6 [യ്]
     ഏവം ആഹായം അസിതോ ദേവലോ മുനിസത്തമഃ
     ഇമാനി ലോകദ്വാരാണി യോ വൈ സഞ്ചരതേ സദാ
7 ഇദം വൈ ദേവനം പാപം മായയാ കിതവൈഃ സഹ
     ധർമേണ തു ജയോ യുദ്ധേ തത്പരം സാധു ദേവനം
8 നാര്യാ മ്ലേച്ഛന്തി ഭാഷാഭിർ മായയാ ന ചരന്ത്യ് ഉത
     അജിഹ്മം അശഠം യുദ്ധം ഏതത് സത്പുരുഷവ്രതം
9 ശക്തിതോ ബ്രാഹ്മണാൻ വന്ദ്യാഞ് ശിക്ഷിതും പ്രയതാമഹേ
     തദ് വൈ വിത്തം മാതിദേവീർ മാ ജൈഷീഃ ശകുനേ പരം
10 നാഹം നികൃത്യാ കാമയേ സുഖാന്യ് ഉത ധനാനി വാ
    കിതവസ്യാപ്യ് അനികൃതേർ വൃത്തം ഏതൻ ന പൂജ്യതേ
11 [ഷ്]
    ശ്രോത്രിയോ ഽശ്രോത്രിയം ഉത നികൃത്യൈവ യുധിഷ്ഠിര
    വിദ്വാൻ അവിദുഷോ ഽഭ്യേതി നാഹുസ് താം നികൃതിം ജനാഃ
12 ഏവം ത്വം മാം ഇഹാഭ്യേത്യ നികൃതിം യദി മന്യസേ
    ദേവനാദ് വിനിവർതസ്വ യദി തേ വിദ്യതേ ഭയം
13 [യ്]
    ആഹൂതോ ന നിവർതേയം ഇതി മേ വ്രതം ആഹിതം
    വിധിശ് ച ബലവാൻ രാജൻ ദിഷ്ടസ്യാസ്മി വശേ സ്ഥിതഃ
14 അസ്മിൻ സമാഗമേ കേന ദേവനം മേ ഭവിഷ്യതി
    പ്രതിപാണശ് ച കോ ഽന്യോ ഽസ്തി തതോ ദ്യൂതം പ്രവർതതാം
15 [ദ്]
    അഹം ദാതാസ്മി രത്നാനാം ധനാനാം ച വിശാം പതേ
    മദർഥേ ദേവിതാ ചായം ശകുനിർ മാതുലോ മമ
16 [യ്]
    അന്യേനാന്യസ്യ വിഷമം ദേവനം പ്രതിഭാതി മേ
    ഏതദ് വിദ്വന്ന് ഉപാദത്സ്വ കാമം ഏവം പ്രവർതതാം
17 [വ്]
    ഉപോഹ്യമാനേ ദ്യൂതേ തു രാജാനഃ സർവ ഏവ തേ
    ധൃതരാഷ്ട്രം പുരസ്കൃത്യ വിവിശുസ് തേ സഭാം തതഃ
18 ഭീഷ്മോ ദ്രോണഃ കൃപശ് ചൈവ വിദുരശ് ച മഹാമതിഃ
    നാതീവ പ്രീതിമനസസ് തേ ഽന്വവർതന്ത ഭാരത
19 തേ ദ്വന്ദ്വശഃ പൃഥക് ചൈവ സിംഹഗ്രീവാ മഹൗജസഃ
    സിംഹാസനാനി ഭൂരീണി വിചിത്രാണി ച ഭേജിരേ
20 ശുശുഭേ സാ സഭാ രാജൻ രാജഭിസ് തൈഃ സമാഗതൈഃ
    ദേവൈർ ഇവ മഹാഭാഗൈഃ സമവേതൈസ് ത്രിവിഷ്ടപം
21 സർവേ വേദവിദഃ ശൂരാഃ സർവേ ഭാസ്വരമൂർതയഃ
    പ്രാവർതത മഹാരാജ സുഹൃദ് ദ്യൂതം അനന്തരം
22 [യ്]
    അയം ബഹുധനോ രാജൻ സാഗരാവർത സംഭവഃ
    മണിർ ഹാരോത്തരഃ ശ്രീമാൻ കനകോത്തമ ഭൂഷണഃ
23 ഏതദ് രാജൻ ധനം മഹ്യം പ്രതിപാണസ് തു കസ് തവ
    ഭവത്വ് ഏഷ ക്രമസ് താത ജയാമ്യ് ഏനം ദുരോദരം
24 [ദ്]
    സന്തി മേ മണയശ് ചൈവ ധനാനി വിവിധാനി ച
    മത്സരശ് ച ന മേ ഽർഥേഷു ജയാമ്യ് ഏനം ദുരോദരം
25 [വ്]
    തതോ ജഗ്രാഹ ശകുനിസ് താൻ അക്ഷാൻ അക്ഷതത്ത്വവിത്
    ജിതം ഇത്യ് ഏവ ശകുനിർ യുധിഷ്ഠിരം അഭാഷത